🚬"معـادلـة بـمجـهولـيـن"🚬
✒️#SaFae_El_idrissi
الجزء 35:
تبعها لقاها جالسة فالكرسي ديالهم لي فالجردة ومربعة يديها غضبانة قرب منها وجلس حداها شافتو بنص عين وهي تعطيه بالظهر قرب منها حط يدو على يديها وهي تنترها
رضوان: دابا لاش مقلقة
تلفتات عندو وخنزرات فيه وضارت عاود
رضوان تنهد:واش حيت ضحكت معاك (دور عينو بتخمين) ااه حيت وريتك المعطي
شوق دارت عندو منفخة: شكون هاد المعطي تاني
رضوان شار ليها لحجرو شافت دغيا وبعدات عينيها مفقوصة
رضوان: وا صافي مديريش هاكا وزايدون خاص تولفي عليه غتبقاي تشوفيه ديما تصبحي وتمسي عليه
دارت عندو بالعرض البطيء مخرجة عينيها
شوق: خسرتي والله تا خسرتي تربية عمي سمحمد راحت فداكشي
رضوان تكا على الكرسي براحة مستفزة:اهاااه إوا بصحتي
شوق: دابا لاش تابعني
رضوان ضحك: منيتك!! راه من اليوم مبقيتش نتفرق علك لا أنا لا المعطي غا ريّحي
شوق شافت فيه مطولا
شوق:كتعجبك ديك الضربة لي فوجهك ياك ! وا بنتي ليا كتقلب نزوق ليك شي قنت آخر
قرب منها حط يدو على وجهوو وكيشوف فيها بشي شوفات شيييي شوفات تلفوها
رضوان: ألالة شديني زوقيني كاامل (دوز بيدو على جسمو) كولي ليك فوتي غا المعطي خليه ليا صحيح راه هو باب رزقي
شوق غوتات بغضب:رضواااااان
رضوان: شوفي قولي ليا حبيبي حسن والله
شوق شداتها الضحكة: واش هذاك المريض البارح ضربك لرااسك ولا شنو
رضوان ضحك:علاش
شوق: معرت شوف نتا بنتي ليا هبلتي
رضوان جرها عندو بزز وهي كتنتر زعما باقا مقلقة عنقها بزز تا بدات تاهي كضحك ..
رضوان: يلاه صافي متبقايش مقلقة
شوق ضحكات: حمق
بقاو معانقين وساكتين تا وقف عليهم ( *زيرا* الغراب) وقف لشوق فوق كتفها وقفات بالشوية وشداتو مقرباه لرضوان
رضوان كيبعد بيديه:لا لا بعدييه
شوق: علاش شوف شحال كيووت
رضوان عبس وجهو:منين جاتو كيووت بعدي عليا هاد العزوا (كحل) شو كيفاش كيشوف فيا
شوق ضحكات وبدات كتقربو منو وهو كيبعد تا خاف منو "زيرا" وهرب
شوق: خلعتيه
رضوان: را هو لي خلعني
شوق:وا باز نتا قد الجغل غيخلعك هداك مسيكين
رضوان كيعيبها:مسيكين (سكت شوية وكمل) الزين أش بالك نخرجو
شوق:نتا راك باقي مقصح!
رضوان: لا(ناض وجرها من يديها) ياله نمشيو
شوق: ولكن انا شحال هدي مخرجت والله بلاش منها
رضوان:صافي زيدي ميكونش راسك قاصح
طلعو للفوق كل واحد فيهم دخل لجناحو بدل ورضوان بدل الفاصمة وشوق تاهي بدلات عليها ..كملو بالخف وخرجو
#يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
