•ألا يمكن لهذا الليل أن يُشكل لنا صدفة السهر معاََ•
🚬"معـادلـة بـمجـهولـيـن"🚬
✒️#SaFae_El_idrissi
الجزء 26:
رضوان: وداك النهار (ضحك) هو فين ضرباتني لوجهي داك النهار داز بالزربة كنعقل مشيت للمدينة باش نخيط الضربة وفاش كنا جاين أنا و الواليد الله يرحمو
شوق قاطعاتو مصدومة: باك ميّت؟
رضوان حرك راسو:اه غي مؤخرا
شوق عاد تفكرات فاش جعفر هبط للمغرب حيت مات ليه خوه ، بتأسف: اه الله يرحمو.
رضوان: أمين (تبسم) كانت عزيزة عليه شوق وفاش شفنا الدار محروقة ملقينا كي نديرو بقينا كنعمرو السطولة من البير ونخويوهم على الدار حيت كانو الديور مباعدين
شوق :اه عرفت
رضوان شافيها :كيفاش
شوق: زعما قلتيها ليا
رضوان:بصح معقلتش! ماعلينا (بصوت مخنوق مبحبح) مقديتش نعتقها عتقتها من يديه المرة الأولى والمرة تانية مقديتش الغدار ملي مقبلااش تزوج بيه قتلها وخوا القبيلة
شوق دايرة راسها مصدومة:أووه دابا هو ملي مقبلاتش تزوج بيه قتلها
رضوان: اه غدار عيت نقلب عليه وحتا الجوندارم ووالو غبر أنا كنطلب من الله غير ميكونش قاصها ومتقربش منها
شوق:لا مغيكونش قاصها
رضوان تبسم جنب:وشنو ضمن لك!
شوق دورات عينيها:غير حدس مدام قلتي هي كانت قبيحة
رضوان ضحك:اه بزاف
شوق تبسمات ليه وهزات راسها للسما
رضوان: ونتي عاودي ليا على راسك
شوق شافت فيه: شي حاجة من غير أنني قتالة ؟؟_
رضوان: اه متلا على حياتك شحال هذي
شوق كدور عينيها:تانا كنت عايشة حياة عادية كئيبة وكانو عندي صحااب بعااد! وخصوصا واحد الولد تنعقل ماكانش عندي معاه كان باسل بزاف (تنهدات) وشوية آلام وكنعقل مزيان بلي قتلو ليا أعز الناس عندي هادشي لي عاقلة عليه
رضوان:ولكن دابا نتاقمتي ياك يعني حقدك مشا
شوق :يمكن ولكن خاصك تعرف أنا ماشي خايبة كيف كيشوفوني الناس
رضوان تبسم: أنا مشفتكش خايبة زعما واخا عمري شفت وجهك ولكن تعاملك ماشي كيف قال ليا عمي ما دام نتي ديما كتسمعي ليا وبلاما تشكاي يعني عندك قلب كبير
شوق ضحكات:ماشي لديك الدرجة تاني أنا نص نص
رضوان:عرفتي واحد السؤال دارني فرااسي (حك على راسو) عارف راسي فيا الهضرة بزااف ولكن غي كنبغي نتعرف على بنادم
شوق ضحكات:معليش غير هضر قول أش عندك
رضوان: نتي واش مكتخرجيش
شوق: إلا كانت شي عملية كنخرج
رضوان: لا زعما كتخرجي دوري بحال الناس
شوق: لا من نهار ساليت القراية مبقيت خرجت أصلن منقدرش راك فاهم
رضوان: على قبل الكاغول ياك
شوق حركات راسها بآه وهو شاف فيها بنظرات غريبة وقرب يديه لطرف الكاغول غيهزو وهي تشدو من يدو مزيرة عليه خلقو لحظة صمت بيناتهم عيونهم كيتكلمو هو بحالا كيترجاها باغي يشوف وجهها إحساسو كيقول خاص تشوف وجها لأسباب مجهوولة!! وهي كتحذرو بعينيها بحالا إلا حيدو غيشوف شي حاجة تحرم عليه النعاس..
نترات يدو ووقفات هزات صبعها فوجهو ونطقات بنبرة تهديد وتحذير
شوق:عمرك تعاودها كون كنت باغا شي واحد يشوف وجهي مكنتش غنغطيه
رضوان: متفهميش غلط غير بغيت
شوق قاطعاتو: شنو باغي تشوف وجهي را نهار يكتاب غتشوفو وعمرك تقرب ليا إلا مطلبتش منك أنا
وقف تقابل معاها وهي علات راسها فيه وباقا كتشوف بنفس النظرات
رضوان:صافي متكبريش الموضوع
شوق: آخر مرة دابا (بنرفزة) good night.
وطلعات بحالها خلاتو كيضرب يديه مع بعض كانت حركة تهوّر منو مكانش خصو يزرب
#يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
