🚬"معـادلـة بـمجـهولـيـن"🚬
✒️#SaFae_El_idrissi
44:
صبح الصباااح .. فاق كيف ديما هو الأول ولا عندو بحال السباق خاصو يفييق ويبقا يشوووف فيها كتجيه بحاال شي لوحة مرسومة ليه غا باش طلع ليه المورااال.. قاد جلستو قرب وجهو ليها كيدوز على وجها ويبعد الشعر على وجهها هاايم زاد قرب باسها فعنقها خلاااها تكمش وجها ملي قرصاتها لحيتو بعد عليها كيشوف ملامحها وكيتسناا عينيه السوود يتحلوو باش يسها فييهم كيشوف انعكااس صورتو فيهم وكيشووق المستقبل ديالهم تم هو وياها ووليدات!! أكثر حاجة يتمناها خاطرو حياة هادئة مع السالبة عقلو..!!
كتحل عينيها بالشوية وكتشووف فيه راسها كيحرقها حطات يديها على راسها ونطقات بصوت مغنغن
-راسي كيطنطن
ضحك كيتفكر البارح ..
-زهيتي البارح
صغرات عينيها:كيفاش
رضوان:سكرتي الشريفة! مقاداش على الشراب لاش تحطيه ففمك
شوق كدور عينيها كتتفكر:أواااه؟؟ شربت غا قرعة
رضوان كيطنز: غاا قرعة؟ نوضي على سلامتك شديتي مقص كنتي غترزيني فرزقي
بعدات عليه بالشوية وهي باقا متكية طولات فيه الشوفة ووسعات عينيها بالشوية
-بحالا كنتي كتنفخ عليا البارح ؟
رضوان هز حاجب:شكون بدا فالنفخة
بعدات كتر ووجلسات تا هبط الغطا على نص جسمها وصدرها المتوسط المشدود.. باان خلاه يتبسم ويدوز لسانو على فمو بخبث جرها من خصرها بسرعة تا رجعات تسطحات فالسرير وطلع هو فوق منها..
طالع فالدروج شاد فيدو الورااق كيضرب عليهم طلة على ميوصل .. هضر معاهم على الشركة وتسييرها وكل مرة عاطينو عذر ولا ميجاوبووش مباشرة والوقت كيدووز خاصو يهضر على الأقل مع رضوان لي كيسمع أما شوق كتغلب علييه وصل للجناح ديالو وهو يحل الباب كيبقا ولد خووه عاد يدق ويتسناه يحل!! زاد مع داك الدخيلة تما تا وقف مقابل مع السرير كيتمشى وباقي عينه على الوراق تا كيسمع واحد الجملة من فم ولد خوه
"نجربو نجيبوووه فالصبااح"
خلاتو يهز راسو بسرعة مخرج عينيه كيشوف قدامو داكشي بحال الجبل مع الغطا حدو كيشوف ظهر رضواان زاد خرج عينيه ورجع للور تا وقف فباب الجنااح دوز يدو على وجهو حنحن بالشوية وبدااا كيدق بالشوية ونطق
جعفر:رضوااان
#يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
