�"معـادلـة بـمجـهولـيـن"�
�#SaFae_El_idrissi
ج 46:
رضوان شاف فشوق لي متبعة جعفر بعينيها .. وشاف فدوك البراهش لي قدامو كيشوف فالمنظر ديالهم كيحقق يحقق وهو يتفركع بالضحك وهوما ربي لي عالم بييهم تقطعات منهم ضربااتو شوق بالشوية لكرشو باش يسكت
شوق:هنينا! حنا فاش ونتا كضحك
رضوان شد على كرشو وكيمسح عينيه لي دمعو بالضحك
رضوان:تانتي خايفة
شوق خنزرات فيه:لاش غنخااف (قلبات عينيها وشافت فأسر وأيسل) أ تبارك الله غا شجعناكم شوية حمييتو الطرح
أيسل حنات راسها وأسر تاهو كل واحد فيهم دخل لجناحو بدلو عليهم وتجمعو تاني هابطين عند جعفر عارفينو غيدير ليهم محااظرة فينما طرا شي حاجة يجمعهم ويبدا يخطب عليهم غا هي هاد المرا تقبو الورقة ..
وقفو عندو فالمكتب مستفيين كي السرديين وهو عاطيهم بظهرو تلفت عندهم بقا كيشوووف فيهم لثواني وقرب ليهم تقابل مع آسر وأيسل ونطق ببرود كيشوف فآسر
جعفر:شحال عندك من عام
آسر شاف فيه وحنا راسو: 17 عام و11 شهر
جعفر قاطعو:و15 يوم
آسر حرك راسو بآه ورجع حناه
جعفر شاف فأيسل لي كانت كتسنى نفس السؤال قبل متنطق سبقها هو
-17 عام و6 شهور قل نهار
أيسل حركات راسها
بعد عليهم شاف فرضوان وشوق لي كيشوفو قدامهم تجاهلهم رجع تقابل مع آسر وأيسل
جعفر:عاقلين على النهار الأول لي حيتو هنا
نقطو فدقة:عاقليين
جعفر:شحال كان عندكم من عام
فدقة:8 سنين
حعفر:شنو قلت ليكم
نطق أسر كيشوف فيه بعينيه لي تغرغرو أما آيسل ولات حمرة وبزز باش حابسة البكية
آسر:قلتي نتوما ولادي و
جعفر قاطعو بغضب:هاكا كيديرو الولاد فواليديهم هاا؟؟ نقول عقلكم غربي ولكن فهاد العمر ؟؟ بهاد الشكل؟؟ راضيين لراسكم التخبية والكذووب عليا؟؟ ملي كنتوو صغار علمتكم حوايج كبر منكم باش تكبروو ناضجيين فعقلكم ماشي فهادشي نتا بالذات مكنتش كنتسناها منك كنت حااسبك راجل ونتا ف عشر سنين ! كبرتي ومشا العقل؟
آسر تشجع ونطق:كنبغييها
جعفر غوت بغضب:سكتتت
وهز يدو غيجمعها معاااه تا تشدات يده فالسما تلفت
#يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
