🚬"معـادلـة بـمجـهولـيـن"🚬
✒️#SaFae_El_idrissi
الجزء 28:
مصدومة كان رضوان مربوط بالسناسل وفيه ضرابي فصدرو شدات على قلبها وهو يبان قدامها واحد الشاب زادت وسعات عينيها حيت كتعرفو ولكن هي تيرات فيه علاش ما مااتش..!!!
آدم:أووووو شبح هه متخلعيش أسنيورا شوك ماشي شبح غير الرصاصة لي خرجتي من سلاحك مكانتش فمحلها وممتش ولكن أنا مكنخطأش داكشي علاش غتجي دابا للعنوان لي غنسيفط لي ولا ودعي هاد الراجل أ سميتو غيضوان ياك ؟ (سكت شوية وخرج عينيه) أه وعنداك تحاولي تلعبي معايا جيي راااسك سمعتي ولا (هز يدو) ديري ليه تشااااو
شوق تعصبات وصلها ميساج فيه العنوان خبطات التيليفون مع الأرض خشات الكاغول ديالها والسلاح وسلاحها الصغير (زيزوار) تحت لسانها وخرجات صاعرة
تلقات مع جعفر وآسر وأيسل
جعفر :مالك كتجري
شوق:ماشي دابا نرجع ونهضرو
مخلاتش ليه فين يهضر خرجات هزات اللوطو وكسيرات متوجهة للعنوان لي عطاها آدم
وصلات للعنوان كان ديبو حدا واحد الغابة مهجورة هبطات من اللوطو تلقا ليها داك الگارد المگلضم دفعاتو غدخل وهو يشدها زيرات على فكها و سكتات.. قلبها حيد ليها الفردي وهز يدو لوجها وهي تشد ليه يديه جاعرة
شوق: تحيدو نخلي فز*املبوك تانتا لاطراس
قبل ميجاوبها بان حداهم آدم
آدم:غير خليه دخلها هنا ونتفاهمو
دفعها داك الراجل وهي دارت خنزرات فيه وتبعات آدم والسلاح محطوط على راسها
هبطو فواحد الدروج تا وصاو للتحت وهي تلمح رضوان وجهو مجروح وصدرو فيه ضرابي قربات ليه كتجري تا وصلات عندو وبدات كتقيص ليه فوجهو
شوق: رضوان رضوان! حل عينك شوف فيا
رضوان كيحل عينيه بالشوية
رضوان تبسم بتعب:شوق جيتي!
شوق محسات تا تلاحت معنقاه
شوق:اه جيت باش كتح..
مجات فين تكملها تا ترخات عليه شادة عنقها كان آدم غرس إبرة فيها مخدر فكتفها
رضوان: علاش الز!ا مل علاش بعد منها
آدم خنزر فيه:سكوت نتا
علقها داك المgلضم مقابلة مع رضوان بالسناسل.. بعد نص ساعة بدات كتسترجع وعيها وكتحس براسها معلقة من يديها هزات راسها بان ليها رضوان كيشوف فيها ..
شوق:فين هو داك المريض
دخل آدم كيشوف فيها بحقد
آدم:منسمحش لك تقولي ليا مريض
شوق:مرريض (وركاات عليها)
آدم:مكاينش شي مريض قدك نتي لي دخلتي لدارنا وبديتي كتقتلي باش حسيتي
شوق:دابا شنو خاصني نبكي ! (ضحكات) داك باك كان كيستاهل الموت
آدم:ومريم؟ علاش قتلتيها
شوق:هاديك لي كانت معاك أمم حرمت عليك الحلوة ولكن را هي لي بغات ، كون كنتي راجل كنتي غتآمرها تمشي متخليهاش ترمي راسها قدامك
آدم:أهاه دابا أنا ماشي راجل
شوق:و علاش رابطني إلا كنتي نيت راجل طلقني ونتوااجهو
آدم:أوووه شجاعة ولكن الرجلة غنشوفوها بحوايج أخرى(قرب ليها) أنشوفو شنو مخبي تحت هاد القناع واش كاين شي جمال يستاهل نضيع عليه شوية السوفل (شاف فرضوان لي مدارب مع دوك السناسل باغي يتفك) سس نتا متعدبش راسك وقول ليا واش زوينة تستاهل ندوز معاها شي سويعة
يتبع..
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
