(64)
معادلة بمجهولين ###safaeelidrissi
سمعو الرصاصة تانية كشوفو فبعضياتهم شادين على راسهم معرفو شكون جات فيه دقة تا سمعو الخبطة تلفتو للجهة لي فيها آدم كيلقااوه طايح بدمو فرااسو مفركع .. شكون تسوقلوو
رضوان كيشوف فيها مخبووطة التحت كيحس بالدنيا دارت بيه مفيقااتو غي الغوتة ديال سووولينا لي تسمعات وترددات فداك القصر وقفات الوسط معرفات عندمن تمشي خسرات ولد من ولادها لتاني مرة ويمكن التالث!! عارفة مزيان بلي آدم مريض وكيكره إحساس التخلي بسيكوباط مرضاش تتخلى عليه مو ..
رضوان مشاا كيجري مكيحسبش الخطاوي قدامو بغا يهزها وهو يترااجع كيشووف فراسها دايز منو الدم وظهرها مضهشر وشي لي زاد ظهشروو هو بين فخاظها دايز منو خيط ديال الدم مستوعبش الأمر حط يدو على رااسو كيشوف فييها قرب يدو لييها بتردد حط زوج صبااع على عنقها ..
عاد قدر يرجع الدم لوجهو وتلفت لعند آسر لي واقف جنبوو وقال متوتر بنبرة مرتافعة
رضوان:قرب شي طومبيل لهنا دغيا
أيسل كتشووف فيها مغيبة قداامها مقدراتش تستحمل بداات كتبكي وعيونها مغيمة بدمووع نطقات بنبرة مستغربة وهي كتشوف ففخاض شوق لي فيهم الدم
أيسل:خويا رضوان الضربة فظهرها لاش فيها الدم ففخاضها
هز فيها رضوان عينيه كي الجمرة مقهوور نطق بزز
-كانت حاملة دارت التحليلات البارح وقالت ليا لا !!
أيسل شهقات حاطة يديها على فمها
-دارت هاكا باش متمنعهاش
حط يدو على راسو غيتفركع
-معرفتش معرفتش
جا آسر جايب اوطو وقفها تال حدااهم وهبط تعاونو تا هزو شووق بتبات ورضوان حاضي مع رااسها لي كلا الدق .. حطوها اللور ومشا رضوان وهو دايخ جر سولينا باش يمشييو وهي باقا واقفة غنص الدرووج كتشوف فولدها
رضوان:ياله
سولينا:ولدي خاص نديوه تاهو
رضوان كينطق بزز: ولدك تيرا فراسو مبقا ميتعتق ياله بنتك محتااجاك .. غتمشي؟؟
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
