🌹معادلة بمجهولين 🌹( مكتملة )

part80

(80)

معادلة بمجهولين #SaFae_El_idrissi

شوق وسعت عينيها وتلفتات كتشووف فسولينا لتاني مرة وهي كتبسم ليها وكدوز يديها على شعرها ..

سولينا:باباك كان حداك

شوق بلعت ريقها وهزات راسها فرضوان لي كيهز ليها براسو زعما لي كتسمعيه هو لي كاين يلاه بغات تنطق وهي تسبقها سولينا شاداها من يديها بزوج كتهضر بالإيطالية عرفات شخصية شوق وخافت لا تعاتب جعفر ..

سولينا:تا واحد فينا ما كان عندو يد فهادشي الفراق ديالنا جا بسبابهم هما لي فرقونا وشتتو عائلتنا (شافت فجعفر) باباك أكثر واحد تعذب فينا كامليين حنا تلاقينا فوقت متأخر وقت العتاب معدناش متخسروش راسنا لتاني مرة بسبب الماضي

شوق منطقات بتا كلمة حدها بعدات على سولينا وبغات تنووض قرب ليها رضوان وشدها من يديها غي وقفات بعدات منو تاهو ومشات جيهة جعفر لي عينيه فيهم لمعة ديال الدموع غي يرمش يهبطوو قربات ليه تا وقفاات قداتمو كتشوف فعينيه وهو كيشووف فيها القصة ديالو متسناش لي يعاودها ليها هو أول واحد عاود ليها لي داز عليه وكيفاش فرقوه على عائلتو كون كانت عاقلة على لي طرا ليها فالصغر اكيد كانت غترعو باها ولكن كان لقصتهم رأي آخر.. بقات كتشوف فيه لمدة وكلشي على أعصابو كيتسنى ردة فعلها كتبقى شوق شخصية غامضة وصعيب يعرفو شنو ردة فعلها .. عمّ الصمت فقط الأعين كتحرك وبيناتهم بزوج حاجز صغيير كيشوفو فبعضياتهم أب وبنتوو تغربوو على بعض تجمعو لسنين مكيعرفوش بعض
وبحركة غير متوقعة نها تلاحت عليييه معنقاااه ومزيرة علييه خاشية رااسها فصدروو .. غمض عينيه تا هبطو دموعو وزيرها عندو هو كذلك حتى بدات كتهز دمووعها بلاما تحس هبطو وبدات كتشهق تصرفها فديك اللحظة كان غير متوقع تصرفات بحال شي بنت صغيرة حنيينة وأحاسيسها رهيفة
تا واحد فيهم مقدر يصبر كلهم دموعهم ولاو فطرف عينهم مشهد مؤثر وبزااف ..
بعدات عليه وهو شد وجهها بيديه كيمسح دمووعها وكيدوز  على شعرها وهي كتشووف فيه رجعات حطات راسها على صدروو ونطقات بصوت مبحبح ومغنغن
-بابا

خلات قلبو يتهز من بلاصتو من ديك الكلمة ودموعو يزيدو يهبطوو باس على راسها ونطق بلهفة وحنان
-بنتي ضو عيني

#يتبع_غدا

حنا على أبوااب النهااية خليو ليا رأيكم وكلمة فحق القصة ♥️♥️