🌹معادلة بمجهولين 🌹( مكتملة )

part61

(61)
معادلة بمجهولين ##SaFaeElidrissi

سولينا بخوف:متآديهش أبنتي عافاك

شوق متلفتاتش عندها غي زادت زيرات على فكها مبغاتش تسمع بحال هاد الطلب.. نطقات فالجهاز ديالها

شوق:كلشي يجي لهاد البيت دغيا بلاما يعيق شي حد

داكشي لي دارو دخل آسر هو الأول

وتبعاتو أيسل شافها آدم حس برااسو حماار (حمار فيه فايدة) وعاد جا رضواان غا قشع آدم بحالا جاي محرش مدوا متكلم تلاح عليه نيشان عطاه بكرووشي لوجهوو خلااه يطيح وزادو بواحد آخر وهو كيطاكي بيديه وباغي يضارب ولكن ملقا جهد رضوان خادم صحتو وكبر منو.. تا حد مفكو حيت تا حد مكيحملو من غير سولينا لي ولات كترعد قطع ليها فقلبها واخا طاغي وميسواش ولكن كيبقا ولدها

شوق:صافي رضوان خلييه باقي محتاجينو

عطاه آخر دقة وبعد منو كيسووس حوايجو

شوق تلفتات عن أيسل غمزاتها وهي فهماتها جبدات من تحت كسوتها واحد القنبوولات ضايرين على شكل حزاام عطاتهم لآسر شدهم عارف أش يدير خداهم وشاف فرضوان تاهو فهمو خطة ودارسينها .. هز أدم تا وقف وزيرو من يديه باش ميتحرك وحلو ليه القاميحا دارو ليه داك الحزاام على كرشو وهو كيترطى سدو ليه قاميجتو ورجعوه كيف كان مسحو ليه وجهوو ..

شوق شافت فسولينا لي كترجاها بعينيها .. شوق غمضات عينيها بتقالة كنوع من الطمئنينة ليها .. ورجعات شافت فآدم مدات يدها لآسر عطاها جهاز تحكم عن بعد

شوق:دير هاه ولا هاه مع السلامة!! الله يجعلنا نمشيو معاك وعارفني نديرها

كيشووف فيه بنظراات حاقدة مراضييش مناش وهو كيخطط ليها جات تقبات ليه كلشي من الوسط ..

شوق؛غتهبط التحت كاالم! تخرج كلشي عندك ميبقا حد من غيرنا حنا ب 6 عندك  نصف ساعة منزيدكش ثانية يتدار هادشي لي قلت ولا عتابر راسك ميت (كمشات ملامحها بحزن مصطنع) ميلقاو ما يدفنو فيك عن نفسي منرضاهاش لك

طول الشوفة ومنطق بوالو باغي يهجم ويضاارب ولكن خاايف خايف مم الموت وهو محزووم بالدمار ديالو كيحس براسو مربووط .. كيف كيقول مثلنا حنا لي حفر حفرة يطيح فيها وهو حك على الدبرة ومبانت ليه غا شوق يلعب معاها غلطو هو معرفهاش مزيان! جابها فعضامو وقلب على خلا دار عشتو ..