(62)
معادلة بمجهولين ##SaFaeElidrissi
رضوان:نباتو هنا؟
أدم:غتندمو على هادشي
شوق:أش فجهدك مديير
كيشووف فيها ملقا ميقوول غي مزير على سنانو غيهرسهم زاد خارج تا نطقات شوق تاني بتهديد..
شوق:متحاولش تلعب معانا مرة أخرى واخا غا بالضحك غتجيبها فراسك !!
كمل طريقو مفقووص ما عارف أخر هادشي فين غيوصلوو الإحتمال لي حاط فراسو هو الموت ..
هبط للتحت ومشا لواحد المنصة كانو كيعزفو فيها وخدا ميكرو
"سيادنا هنا سالات حفلتنا نتلاقاو فأقرب وقت الأم ديالي عيانة شوية"
ما لقاو ما يقولو كاين لي معجبوش الحال حيت مولفين فهاد القصة كيدوزو صهرتهم ديما لآخر وقت وكاين لي تقبلها وتمنى الشفاء لسولينا بهدووء ومشا يكمل صهرتو فبلاصة أخرى.. بنظام بدات كيخوى القصر والطوموبيلات كيمشيو وحدة ورا لوخرى حتى مبقا حد عاد مشا لعند الخدم متعجرف قليل الأدب ميعرف يهدر بدا كيهدد فيهم ويغوت تا خوااو الدنياا كولها ومبقا حد كيدوور فداك القصر من غيرهم هوما وآلة الموت فكرشوو جلس فكرسي كيرجف بكتمان خايف ومراضيش فنفس الوقت
حتى بدا كيسمع التصفيق هز عينو لقاها شوق هابطة وكلهم معاها كتبسم فوجهوو بإستهزاء كضحك علييه ..
شوق:مزيان على الاقل كتسمع الهضرة
آدم:حيدي ليا هادشي دغيا مبقيتش متحملو
شوق:شنو نحيد المتف جرات؟؟
غي كملات الكلمة بداو كلهم كيضحكو إلى سولينا لي مفاهمة والو .
نطقات أيسل كتمسح طرف عينيها من الدموع ..
أيسل:كون كنتي كتخمم غي شوية غتعرف بلي هدوك ماشي متفجرات !! وأنا كنت دايرااهم عندي
أدم ولا حمر حس براسو حمار نييت ونتر دوك الحزام من تحت القاميجة بجهاالة رضخو مع الأرض
كلهم هزو السلاح فوجهوو
رضوان:بالشوية أصاحبي غتفركع (قرب ليه) كنتسالك ش حاجة لا؟
سولينا قربات لشوق شداتها من يديها كتهمس ليها بصوت متقطع بالدمووع
سولينا:متآديوهش أبنتي عافاك كيبقا ولدي واخا طايش
أنت تقرأ
🌹معادلة بمجهولين 🌹( مكتملة )
Aksi#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
