🚬"معـادلـة بـمجـهولـيـن"🚬
✒️#SaFae_El_idrissi
ج 49:
ضحكو عليهم وزادو معاتقيين ولا على بالهم طالعين فالدروج تا نطق رضوان..
رضوان:مقلتيش ليا البارح علاش كنتي مقلقا
شوق دورات عينيه ورجعات شافت فيه:مكاين والو (قلبات الهضرة) غنمشي ندوش
رضوان تبسم:دوشتي دوش ليك بيدي (زير على كتافها وهبط يدو لصدرها) نطشنا البارح
وقفو فاش وصلو للفوق حدا غرفهم..
شوق:باينة نقدة ديال جيل دوش مخسرتيها عليا
رضوان:ندير لك صابون بلدي لا؟ بغينا غا نفيقووك زعما
شوق ضربات ليه كتفو بالشوية كتتبسم: وا سييير نمشي ندوش
رضوان شدها من يديها وجرها عندو بجهد:نحك ليك ظهرك (زاد قرب وجهو ليها) ونهبط يدي شوية ندور باللحيمات ولا لقيت شوية شحيمات (هبط يدو حاطم تحت ظهرها قريب لمؤخرتها وغمزها ببطئ) كنعرف نحك
شوق تبسماات وقربات ليه بدورها جراتو من عنقو بحالا غنبوسو خلاتو يميّل راسو عندها وتفادات فمو مقربة لودنييه نطقات بهمس..
شوق:سير خدم كسّال إلمياموري ( Il mio amore -ياحبيبي)
وبعدات عليه بخفة دخلات لجناحها خلاتو كيتبسم وكيحك على فمو لي كان كيتسنا بوسة منها..
دخلات لبيتها نيشان للدوش حيدات حوايجها كتغسل عليها بحال ديما دووشها خفيف مكتعطلش فييه ولكن رضوان كتر منها.. تاهو دخل ودوش لبس ودخل عندها كيتسناها تا كيسمع تيليفونها كيصوني عيا يمتانع وميقربش ليه ولكن شي حاجة كدفعو أنو يشوووف قرب ليه وهزو بين يديه حتى لقا راسو غارق كيصول ويجوول..
سمعها خارجة حطو متحكم فملامح وجهوو كيتسناها تخرج ..
خرجات لاوية عليها فوطة وحتى فشعرها شافت فيه تبسمات وهو بادلها التبسيمة وعطاها بالظهر مشا للبالكو .. متسوقاتش فهمات بلي باغاها تبدل على خاطرها دخلات للدريسينغ بدلات عليها وخرجات لقاتو واقف وباقي عاطيها بالظهر وكيكمي وينتر من داك الكارو بين يديه وكيسوووط الفووق كيخمااام نشفات شعرها وقربات منو حتى وقفات حداه شاف فيها بطرف عينيه .
شوق بإستغراب نطقات :مالك !
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
