(63)
معادلة بمجهولين ###safaeelidrissi
شافت فيها شوق مطولة كتشوف فملامحها الحزيينة كتبقا مها واخا يلاه عرفاتها ولكن مشاعرها للأم خلاوها تحزن وتعر عليه نفس الحركة عاوداتها غمضات عينيها بتقالة كنوع من التهدئة.
قربات لرضوان كتهضر بالدارجة يتفاهمو غا بيناتهم
شوق:رضوان هبط سلاحك
رضوان تلفتت عندها مخنزر ممتيقش أش سمعك
رضوان:علاش؟
نطق آسر مستغرب
-واش بغيتي تقتليه نتي
شوق تنهدات:يمكن مسمعتوش الهضرة لي سمعت أنا (دورات عينيها ) آدم راه خويا خويا من ماما (تلفتات شافت فسولينا ) تمنيت كون بقيت وحيدة وميكونش عندي أخ بحالو ولكن على وجه ماما منقدرش نآدييه ناخدوها ونمشييو وهو مغيقدرش يقرب مرة أخرى حيت هادشي لي عايش فيه ديالها (حكات على راسها بالفردي كتفكر) نخرجو بشي حل آخر هاد المرة
هبطوو سلاحهم كيشوفو فيه خبار صادمة ولكن معندهم ميديرو قدرهم بغا هادشي ..
شوق شافت فآدم:عمرك تعاود دور جيهتي دزتي على وجها مك(بزز) وجه أمنا
آدم:مغتديهاش معاك
سولينا:سكت أ آدم متزيدش تزند العافية كيفما عشتي معايا وشبعتي مني (بحرقة) حتى وليتي كتهددني دابا جات نوبة بنتي خاصني نعيش معاها لي بقا من عمري
آدم:كتخلاي عليا للمرة الثانية؟
حركاات سولينا راسها بلا ودموعها دايزين ..قربات منها شوق وشداتها من يديها جراها كلهم شافو فيه آخر نظرة دارو سلاحهم ورا ظهرهم وكل واحد فيهم مكرهش يخوي سلاحو فراس آدم كانو كيتمناو ليه الموت وحاقدين عليه لكن تحطات موت شوق فالطريق وشفعات ليه ..وعطااوه بالظهر تا قربو يحطو رجليهم فالدرجة الأولى وهو يتبعهم هاايج مكيشوووفش قدامو مجاو فين يتلفتو عندوو حتى خدا فردي من ورا ظهر آسر بسرعة مجنونة ضغط على الزنااد تا جات الرصاصة فظهر شوق خلاتها تنيين من حر الضربة وطييح مكركبة من دووك الدرووج كاملين تا تخبط راسها مع آخر درجة كيشوفو ممتيقيينش كلشي داز بسرعة يلاه غيتلفتوو عند آدم وهوما يسمعو الرصاصة التانية
..
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
