🚬"معـادلـة بـمجـهولـيـن"🚬
✒️#SaFae_El_idrissi
الجزء 31:
رضوان: اييه نطقي زيدي صدميني
شوق تنهدات:النهار لي كنت جايا من المدرسة وتلاقيت أنا وياك ضاربنا كيف ديما وفاش مشيت للدار سمعت الهضرة لي قلبات حياتي كااملة
عاودات ليه كلشي لي صرا معاها بالتدقيق منسات والو وهو غي كيسمع وكيزيد يتأكد بلي هي نيت شوق .. شوق لي بكا على قبرها لي فيه الجثة المشوهة تا نشفو دموعو
شوق:هادشي لي كاين
رضوان تنهد بحيرة :فهمت ولكن علاش ملي تلاقينا مواجهتينيش
شوق رجعات شعرها ورا ودنيها وحنات راسها وعاودات هزاتو بسرعة
شوق:معرفتش يمكن مبغيتش نصدمك
رضوان:مبغيتيش تصدميني (ضحك بإستهزاء) على أساس أنا متصدمتش دابا بلاتي وكنتي كتشوفيني كنتعذب اه أنا بكيت حداك ومحنيتيش فيا ولكن تا انا مكلخ اه مكلخ وهبيل معقتش بيك
بدون وعي حطات يديها على فمو مقاطعاه خلاتو يسكت وجسمو يرتعش
شوق: أشش متلومش راسك أنا لي غالطة من الأول
رضوان شد يديها بيديه وفعينيه لمعة ترجي وألم لمعة عاشق كان تائه..
رضوان:باش كنتي كتحسي فاش كنت كنعاود ليك على راسك متكذبيش
شوق:كان كيبقا فيا الحال بزااف على حالتك
رضوان طلق منها:كنتي كتشفقي عليا
شوق شداتو من يديه وقربات منو:لا لا ! متفهمش غلط بالعكس كنت كنشفق على راسي وكنلوم راسي حيت عذبتك وضيعت هاد السنوات بلا بيك
رضوان:وعلاش غتنمدي أشنو كعني لك أنا گاع
شوق حنات راسها كتهضر وتحاول تخرج معندها كلام صعيب تندطق بيه هي ..
-شحال هادي مكنتش عارفة بحقك ولكن دابا بعد ما ريحت بالي وبنتي قدامي وليتي الإنسان الوحيد لي كيهمني فحياتي كلها كتعني ليا بزااف
رضوان قلبو دق بسرعة.. هز ليها راسها بصبعو وشاف فيها بعمق
رضوان:وشنو يأكد ليا هضرتك
شوق شدات فيدو لي على وجهها وقربات منو بدون شعور وبجرأة تملكات عقلها واستوطنات قلبها حطات شفتيها على شفايفو وباستو بوسة سطحية وبعدات كتشوف فعينيه لي توسعو
شوق توترات بشكل غريب وبغات تنوض تا جرها تاني من يديها طاحت على الضربة خلاتو يتأوه بالشوية
شوق كتحاول تبعد: س سمح ليا
هو متسوقش عاود جرها وخشا يدو فشعرها جارها عندو تا تقاربو وجوههم
رضوان: ما شبعاتنيش بغيت كثر!
وجرها عندو كيبوس ففمها كيبرد نار الشوق يديه كيتحركو فشعرها الأملس اما هي دورات يدها ورا عنقو كتقيس أطراف شعرو ومسترخية بين يديه.. مسترخية لأقصى حد كان إحساااس لا يوووصف بعد أعوام خدا أول جرعة من حبهم..
#يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
