🌹معادلة بمجهولين 🌹( مكتملة )

part55

تتمة

جعفر:أشمن حل واش كتفلاي على الوقت من مافيا صغيرة همها تعتق ولاد صغاار وكل واحد فيها باغي ينتاقم لراسو .. لمافيا باغا تتواجه مع الجهة العليا واش طالبة لينا المووت !!!

شوق:هادشي لي مخليهم شانتين وطاغيين كيخلعووكم بهاد الكلااام أنا مغنترااجعش ونتا لي بغيتيه ديرو منضربكش على يدك

جعفر :باغا الموت سيري ليها 

شاف فيهم كلهم متجاهلها

جعفر:غنرجعو للمغرب جمعو حوايجكم أنا غنهضر مع شي واحد من عندهم الى عرفونا تراجعنا مغيرجعوش مرة أخرى

وتم خاارج من المكتب تا قاطعوو رضواان ومن نبرة صوتو باين ميرجعش فكلامو..

رضوان:لا كانت شوق غادا للموت نمشي معاها نمووت ونرجعها من ديك الطرييق

تلفت عندووو ما جا فين ينطق تا كيزيد يتصدم آسر وأيسل واقفيين فصف شوق كيشوفو فيه ونطقو فدقة متافقين ..

أسر .. أيسل:حنا فريق ومنتفرقووش

آسر:منتفرقو تا نفكو المشكل ديال كل واحد

أيسل حركات رااسها .. كيشوفو فيه بجرأة غير معتااادة خلاوه كيشووف للحظات حتى نطق

جعفر:على الأقل الأعوام لي دوزنا ممشاتش هاكاك ووليتو فرييق ديال بصح وخوووت ميفرقكم والو (تبسم بالشوية) إلى متنا وحنا فهاد الطريق  سارور كوليوزو ديتي (غننكون فخور بيكم) وبزااااف  نتوما فرييق والفريق مكيكمل غي بالرئيس ديالو ولي جامعوو (تنهد) غلبتووني  ..

تخطااهم وجلس فالمكتب ديالو كيشوف فيهم

جعفر :نبدااو؟
55

بعد سيمانة..
دازت طايرة وهما على أعصابهم مشددين الحراسة كيرسمو خططهم وحاضين لا تجيهم دقة الغدر! شوق  على أعصابها كانت كتسنا نتيجة التحاليل لي خدات منهم وقت واخا حاولو تا عياااو ولكن خدات 5 أيام ك حد أقصى.. وعرفات بلي مولات داك الشعر من دمها وليها!! ختها ولا مها مهم دمها عندهم ويعلم الله بحالها ..صبراات بزز تا كملات السيماانة ولقاو النهار المنااسب.. خاصهم يدخلوو تم ..

كانت العشية واقف جعفر فالمكتب ديالو متوتر داخلين فعملية صعيبة خايف من الخساائر فهاد العملية حتى روحو ولات كتبان ليه غادا للهاوية.. كيخمم ويخمم راسو غيتفركع و الخطة لي فيها هما فطور التنفييد .. وهو ساهي كيفكر قاطع تفكيرو الفريق الصغيير .. كل من شوق رضوان آسر وأيسل.. لابسين لباس رسمي ومغااير هاد المرة كيفما الخطة مغايرة هاد المرة حتى طريقة تنفيدها مغايرة..

كانت شوق لابسة كسوة كحلة مزيرة و طويلة مرصعة بالحجر ودايرة بيريك قصيير وماصك صغيرة ديال قطة فيه مزيج بلو ماغين بنفسجي وكحل مغطي غير عينيها .. ورضوان حداها تاهو لابس كوستيم راقي وماصك ذكوري كحل قريب تاهو لشكل قط على وجهو هو وآسر نفس اللبسة ونفس الماسك وأيسل لابسة كسوة قصيرة مزيرة فالغووز وماصك قطة تاهو غوز مغطي عينيها .. من لبااسهم باين بلي غادين لحفلة هلوين Halloween..
بطبيعة الحال أي حركة من هنا القدام على قبل الخطة لي خدامين عليها  يعني مغادينش يحتافلو لا! هما فعملية للقصر الأكبر هالويين مجموع فيه غي المافيا والرأسااء الكباار لي ميطيحوش ..

جعفر:واجدين ولا نراجعو الخطة

نطقو كامليين "واجدين"

جعفر قرب ليهم:شوق ورضوان نبغيكم..

شوق قاطعاتو:إلى تلاقينا مع آدم منقتلوو هش ونتحكمو فراسنا ديما كتقول نفس الهضرة فكل عملية

جعفر تبسم:وحتى نتي كديري لي قال لك راسك ولكن دابا العكس بغيت نقول الى لقيتو كيفاش ديرو ليه قتلووه نتوما عارفين من البحت لي درنا بلي هو لي مور هادشي كيحرضهم علينا ! (حنحن) ودابا سيرو (هز راسو الفوق تنهد) كنتمنى نتجمعوو مرة أخرى هنا وميكون ناقص تا حد

كل واحد فيهم من الأقوى للأقل قوة ! مكاينش حس الضعف فالفريق!! كلهم حسو برعشة خوف الخوف من أنهم ميقدرووش يتلاقاو مرة أخرى ويتجمعوو كتعتابر هذي أصعب عملية وهوما واعين بهادشي هادشي خلاهم يخطفو ساعات مرة مرة ويعيشو لحظااتهم الحميمة العامرة بالحب والعشق ..

تبدالو نظرات مع بعدهم للحظة وتلفتوو كل واحد فييهم خدا أوطو ديالو مفارقيين مع شيفور لكل واحد... من غير جعفر لي بقا برا ال

وصلوو للقصر لي جا فالخرجة ديال المدينة قريب لواحد الغابة ومزوق.. جاابو الجو ديال الهالويين نيشان ..
كل واحد فيهم هبط كيتبادلو نظرات عن بعد بحالا مكيعرفوش بعضياتهم وكيهضرو بخفة فالجهاز اللاسلكي

#يتبع غدا البنات مبقيت قادة نكتب والو أجزاء لي جايين خاصهم الخدمة وانا حالية محبطة لأقصى درجة . شي دعيوة ديال الخير يتفك هادشي ويرجع ليا حماسي
🥵🥵