56
دخلو مفارقيين وكيحاولو ميلفتوش الإنتبااه .. كان كل لي فداك القصر داير قناع وعايشين ساعتهم وإحتفالهم بالهالويين .. دخلو كيدورو عينيهم تما تا قشعاتو شووق من وقفتوو عرفاتو آدم.. نطقات فالجهاز ديالها بهمس
شوق:جييهت الساعة 2 كاين تما الهدف 1 أيسل سيري حداه
أيسل:و إلا رفضني
شوق:داك النوع مكيرفضش
أسر زير على فكو ونطق بزز:حاولي متخليهش يشوف وجهك
شوق كدور عينيها فداك القصر ببطئ ونطقات بنفس النبرة الخافتة
-آسر جيهت 11 كاين واحد المصعد تم طلع الفوق وخصروو ووقف فالدرووج متخلي حد يطلع والى لقيتي شي باب مسدود حلو باش منتعطلش ملي نطع نقلب ولكن بلا صدااع كلنا غنخدمو ب بيستولا سيلونسيوزا (مسدس صامت) على الأقل غي حتا نتفرشو ونتمزكو ديك الساعة
رضوان واقف من بعيد شاد واحد الكاس مرة مرة كيدير راسو كيشرب .. تبسم جنب من كلامها حنحن ونطق كيطنز
-عرفتك خليتيني أنا اللخر بغيتي نبقا معااك عارفك مساخياش
شوق:ضحك نتا لي جات معاك ! (قبل مينطق صبقاتو) أ سي رضوان!! واحد الخمسة غتلقااهم اللور حادين الجهة لورانية غدخل مع الكوزينة لي على الساعة 7 وتخرج من باباها اللوراني (تبسمات وتلفتات عندو ممركزاش معاه ولكن عارف ديك الإبتسامة ديال ردان الصرف) شفتي إيمتا كنبتاسمو ونضحكو؟؟ وااه خاص تقت لهم كاملين ولكن فدقة !!
رضوان جمع الضحكة:فدقة؟ شحال قلتي ليا من واحد
نطق أيسل كيفرنس :5
رضوان:عندي غا زوج يدين
شوق:ماشي ضروري تقتلهم بيدك
أسر كيطنز ردوه ضحكة ..
-متديش عليه باقي جديد فالحرفة
أيسل تاهي مشاركة معاهم:ههه لاهيلا ولكن كيعرف يخيط الجراحي من داكشي
رضوان طلع لو الدم:أندوز على طب نمكم واحد واحد نخيط ليكم تقابيكم
شوق ضحكات بخفة عليه وحنحنات
-ياله ضحكنا شوية باراكا لي عندو شي شغل يقديه الجماعة ونتلاقاو فساعة أخرى
.
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
