�"معـادلـة بـمجـهولـيـن"�
�#SaFae_El_idrissi
الجزء 41:
محيلتها تفكر فهاد الحمق لي باان لييها هذا غلطها مقتلاتووش غلط كلفها الكتير ومحييلتها تفكر فرضواان لي قلقاتو بلاما تحس نهار كيجيو المشاكل كيجيو فدقة..
تكات فبلاصة رضوان وجراات المسند ديالو كتهلوس بهمس
"كانت أحسن ليلة فحياتي ميمكنش ندم عليها "
قاطع هلوستها التيلفون لي كيصوني هزاتو بملل لقات نمرة غريبة تاني ناضت مخنزرة وجاوبات
شوق�:ألـو آدم
آدم ضحك�:هه أمم طلعتي ذكية
بدات كتسبو بالدارجة..
شوق�:سمعني أراس ال* قل'و'ة غتخطي ساحتي ولا نشرط لزا. مل بوك كمارتك
آدم �مفاهم والو:شنو!
شوق� بغضب كتوغوت:نتا معارفش اولد لق ٧ بة أش كيدوور ليا أنا فرااسي
آدم�:مكنفهمكش هاكا هضري مقادا
شوق �تنهدات:شنو بغيتي
آدم�:دابا هضرتي،من طريقة كلامك غتكوني قريتي رسالتي مهم أنا كلامي ممبنيش على الفراغ قريب توصلك نتيجة التحاليل وتما غيبقا لك اللعب خاصك تحلي المعاادلة لي باقي معرفنااش واش غتكون بمجهول ولا بمجهولين (وضحك بجهد كيعصبها)
شوق: دابا علاش كتقلب را اللعب معايا صعييب غتخلص عليه غالي
آدم: أووه سينيوورينا متعصبيش ممزيانش ليك ولكن خاصك تعرفي نهار نورييك عائلتك المفقودة بالوضووح رااه غيكلفك الأمر بزااف ويمكن روحك.. تشاو
وقطع عليها خلاها كتغدد خبطات التيليفون مع الأرض وهبطات التحت كتزرب فالمشية تا وصلات للغرفة الخاصة بالتداريب ديالها الغرفة لي غابت عليها شهر تا قالت غتخلص من حقدها وترجع بحال إنسان طبيعتو السلم والسلام بان قدامها آدم كيف سماتو هي "حيوان منوي ديال مارك" إلا كانت بصح لعبة غتندمو جبدات سلاحها وبداات كضرب فدوك القراعي لي قدامها ودازت للكيس ديال البوكس كضرب كضرب تا ضروها يديها وجلسات فالأرض كتنفس..
خرجات من الغرفة كانت العشية دغيا وصلات دخلات للقصر الداخل تلاقات أيسل وأسر جالسين كيخربقو فالبيسي وكيضحكوو منساجمين شافوها تبسمو ليها وهي بادلاتهم الإبتسامة بزز وجات طالعة تا وقفها جعفر
جعفر:شوق باغي نهضر معاك
شوق:ماشي دابا
جعفر: لا دابا تبعيني
دروات عينيها بملل وتبعاتو للمكتب دخلات وسدات الباب جلس فكرسيه وهي جلسات مقابلة معاه
جعفر:شكون لي ضرب رضوان ديك المرة حيت أنا ممتيقش بلي ضارب مع شي حد راك عارفة هو كالم
شوق: دابا بغيتيني أنا لي نقولك شكون
جعفر: اه
شوق وقفات:معرفتش
جعفر تنهد:ونقدر نعرف واش بيناتكم شي حاجة
شوق: بحالاش
جعفر: راك فاهمة زعما شي علاقة
شوق:نتا أشنو بان لك
جعفر: معرفتش ولكن حاس
شوق:ما دمتي حاس فراك ممحتاجش لجوابي
عطاتو بظهرها وخرجات قبل مطلع دازت للكوزينة لي كانو فيها خدم قلال مهضرات مع تا واحد هزات قرعة نبيذ صغيرة وزوج كيسان وطلعات بحالها وصلات لجناح رضوان ودقات زوج دقات وبعدها دفعات الباب
#يتبع
هاهو آدم زين الوقفة غا هي فعقلوو خرية مكعلصة ��
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
