🚬"معـادلـة بـمجـهولـيـن"🚬
✒️#SaFae_El_idrissi
الجزء 32:
بعدو من بعضياتهم بالشوية كيشوفو فعيون بعض بنظراات عشق وشوق كيحملها كل واحد فيهم للآخر نطق رضوان بتلقائية
رضوان: عمري تصدمت هاكا أنا كان كيحساب ليا متي ولكن دابا! لا بصح أنا ممتيقش.. مكتاب لينا نتلاقاو مرة أخرى ولكن كيفاش وعمي (حط يدو على راسو) مصدوم لدرجة الكلمات لي نعبر بيهم مبغاوش يخرجو
شوق كتشوف فعينيه:كنبغييك
رضوان فيكسا عينيه فعينيها مصدوم أكثر من الأول ..كتر عليه الدق صغر فيها عينو بشك ونقط بتقالة..
رضوان:واش كتشفقي عليا حيت عارفاني كنت كنتعذب بلا بيك الا بلاش من هادشي راني مولف
شوق:مكايناش هاد الهضرة نتا كتعرفني مغنكذبش عليك انا.. كنبغييك ملي تخيلت قبيلا أنني غنخسرك كنت غنهبل ملي كتعاود على حبك ليا قلبي كيضرب بجهد و6 سنين هادي صورتك مكتخطااش بالي كان هامني الإنتقام كنت ناسية قلبي ولكن نتا لا كنتي ديما كتزورني فأحلامي وفاش جيتي حييتي كلشي أنا هاد الإحساس عااد وعيت بيه كنت جاهلة شي حاجة سميتها الحب وإلا مبغيتيش تصدق مغنلومكش حيت يمكن كنبان ليك خايبة وقاصحة معنديش القلب لي نبغيك بيه
رضوان : صافي عقلي حبس قوة الصدمااات واش هادي نتي واش بصح هادشي لي كتقولي صحيح كتبغيني وكتبادليني نفس الشعوور لا رااه بزاف مقادش نستوعب
شافت فيه مطولا ووقفات
شوق: رتاح
ومشات جيهت الباب
رضوان: صبري
شوق: رتاح من بعد ونرجع عندك
قبل ميجاوبها حلات الباب ولقات جعفر قدامها
جعفر:رضوان فاق؟
شوق حركات ليه راسها جيهت الباب باش يدخل وطلعات بحالها.
جعفر دخل عند رضوان لقاه كيحاول يوقف
جعفر :جلس فين غادي
رضوان: عاوني نوقف
جعفر شد فيه كيعاونو يتمشا للباب وكيسول فيه
جعفر: شكون ضربك شنو وقع علاش شوق لي جابتك وعلاش كانت كتبكي بحال هكاك
رضوان شاف فيه:كانت كتبكي
جعفر: اه وكطلب فينا باش نعتقوك وا قول لي شكون ضربك
رضوان:غي تناقشت مع واحد
جعفر:تناقشتو!! واش هو كان غيقتلك ونتا كتقول تناقشتو عطيني سميتو غندم أصل مو
رضوان:عمي صافي ما كاين لاش تكبر الموضوع، شكرا غنكمل بوحدي
جعفر طلق منو وخلاه كيخمم ليه اما رضوان طلع هو حاط يد على الحيط و اليد لاخرى حاطها على الجرحة تا وصل لجناح شوق دق عليها وهي جاوبات من الداخل ما عارفاش شكون
شوق:ممسالياش دابا
تا سمعات الباب تحل دارت معصبة
شوق غوتات:ياك أز*بي قلت ممسالياش
كانت عاطية بظهرها دارا مخنزرة لقاتو رضوان مصغر فيها عينيه
رضوان: باقي فمك خاسر
شوق بصوت خلا قلبو يخفق بسرعة:رضوان!
قرب ليها بالشوية ونطق بلهفة: عاوديها (بخفوت)عافاك
شوق كدور عينيها وترها: أ كيفاش طلعتي بوحدك ياك مضروب؟
رضوان تنهد بعد عليها بالشوية:نتي خليتي ليا شي عقل أنا را نسيت الضربة وكلشي
#يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
