🚬"معـادلـة بـمجـهولـيـن"🚬
✒️#SaFae_El_idrissi
الجزء 37:
غي وصلو هبط تاني جارها من يديها وكيشوف ورااه تملكو خوف رهييب عليها خايف لا توقع ليها شي حاجة
شوق:بالشوية أرضوان صافي را وصلنا للدار
رضوان:سكتي وطلقي راسك
نترات من يدو
شوق:صافي متجرنيش هاكا لاش هاد ااخوف كامل أش عندو ميوقع
رضوان قرب ليها معصب عاود شدها من يديها وزير عليها..
رضوان:كيفاش أش غيوقع واش كتفلاي بغيتي تا يقتلوك عاد نخاف! ديك الشجاعة ديالك صافي نساايها حيت وليتي معايا دابا لمكنتيش خايفة على راسك خافي عليا (بخفوت) توقع ليه شي حاجة نموت فيها
وجرها عندو معنقها بجهد بحالا مخبيها خلاها كتنهد فحضنو بعدات عليه ونطقات بنفس نبرتو االخافتة
شوق:غنعيشو لي مكتاب لينا
محملش هضرتها حس بإحساس غريب مجاوبهاش وعاود جرها من يديها دخلو كان الصقيل كل واحد فجناحو طلعو لجناح شوق غي دخلو سد رضوان الباب بالسوارت ومشا للبالكو سد المدخل ديالو وهبط الريدو وشوق غي مربعة يديها وكتشوف فيه تا سالا وسولها
رضوان: فيك النعاس
شوق:لا
رضوان: أنا فيا
شوق: سير تنعس
رضوان:فين غنمشي راه غنعس هنا
شوق: وليتي مشارك معايا البيت ولا شنو؟
رضوان:كنفكر نهدم داك الحيط باش نتيسعو شوية
شوق حابسة الضحكة:واش نتا شوية لباس؟
مجاوبهاش ومشا جر واحد الفوطوي مضارب معاه وشاد على كرشو تا جات عاوناتو وهي كتسوط معارفا أش غيدير موقف تا لحدا الباب ولا حابسو
رضوان تنهد:دابا مزيان
وتكا فداك الفوتوي براحة
رضوان: عطيني شي غطا
شوق غتنفااجر لبروود دمو ومفاهماش تا شنو باغي يصنع..
شوق:غتنعس هنا
رضوان:اه
شوق: علاش
رضوان:تا لا زعم شي حد يلقاني قدامو وإلا كنت غنموت على قبلك هاانية (وغمزها)
شوق بفقصة: واش هبيل ولا كديرها بلعاني باش تعصبني
رضوان:أنا هبيل!!(ضحك) نتي لي مهبلاني ودابا سيري تنعسي خلينا هانيين
شوق: داير فيها خدمة عساس!!
رضوان:عطيني الغطا
شوق جراتو من يدو
شوق: نوض نعس حدايا
رضوان هز حاجب:سيري تنعسي راه غتنوضي المعطي
شوق شداها الضحكة:غا نوض أعمي المعطي يلاه معايا للسرير راك غتعدب فالنعسة هنا
رضوان كيضحك:عمك المعطي لا نااض أجا ميهمدوو راه غيبغي يلعب شوية
شوق خنزرات:رضوان!!
رضوان:وا شنو نكذب علك
شوق شافت فيه مطولا ومشات جابت غطا دفعاتو وتخشات حداه مزاحماه
رضوان: تي مالك كتموتي على طاكسي بيَض!! لاش تابعاني
شوق:قلت لك جي نتا مبغيتيش
#يتبع_
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
