•وهل من قسوة ظلّت صامدة أمام حبي لك؟•
🚬"معـادلـة بـمجـهولـيـن"🚬
✒️#SaFae_El_idrissi
الجزء 30:
يديها على شعرو وهبطاات راسها على صدرو بالشوية وبدات كتهلوس بكلام من القلب
شوق بتنهيدة حارة:تا أنا تعذبت ماشي غا نتا قلت غا نبقا هاكا وحيدة تا نموت مكنتش عارفة بلي خاصني غا نتا أنا نصفي غراب اه ولكن نصي حمامة بيضاء صافية فيها مستوطن قلبي لي كيخف ليك نتا (تنهدات تاني كان كلام صعيب تخرجو من فمها ) يمكن كان خاصني نبقا تا نديك معايا كانو غيتبدلو بزاف دالحوايج ولكن القدر .. القدر كيعجبو يلعب معايا أنا بالضبط مكرهتش كون تلاقيت أنا وياك فظروف حسن كنتي غتعيش مع حمامة طاهرة كتبغيك !!!
بقات كتهضر وتفرغ تا ترخات على صدرو ناعسة
على برا أيسل وآسل كيوشوشو وحداهم جعفر حاط يدو على راسو كيخمم
أيسل: شتيي الحاقدة طلعاات كتبغي الطبيب شتي كيفاش كانت كتبكي
آسر؛وحيدات تا الكاغول
آيسل:اه شتها تصدمت واخا حنا كنا عارفين وجهها مكانتش كتبغي تحيدو قدامنا ناااري داكشي علاش قالت لينا دافعو على حبكم ياك؟
قاطعهم جعفر مخنزر
جعفر :هادوك الفيران اش كتبرگمو تما
أيسل: لا والو والو ياك
آسر:اه والو أنا غنوض باغي نهاكي شي لعيبات تا يفيق خويا رضوان ونجي نشوفو
أيسل:تسنا نمشي معاك
مشاو دغيا سلتو من حداه خلاوه كيحك راسو وكيهضر فخاطرو ويقول بتساؤل"هي علاش حزنات عليه وكيفاش شوق لي كان كيعرف!! أفف هاد البنت شحال غامضة وعامرة أسرار تا قلت سالات من هاد الأسرار والتخربيق ديالها" كلامو خربقها دموعها خوفها بكلشي ليها كتخربق ساط بجهد وخرج بحالو
🌷بدا كيطيح الظلام وبدا كيحل عينيه الكحلين بالشوية كيتفكر أش وقع ..كيحس بشي حاجة فوق صدرو حنا راسو بان ليه الشعر حط يدو عليه كان شعر أسود قاتم وملس حس بلي شايفو فشي بلاصة ولاحظ يدين قراب من وجهو هزهم عرفهم ديال شوق بدا كيتحرك بالشوية باغي يجلس وهي حسات بيه بعدات بالشوية والشعر مغطي وجهها وهو كيشوف فيها حس بلهفة باغي يشوف وجهها وأخيرا
بعدات الشعر على وجها وجات عينيها فعينو هاد الأخير لي وسع عينو صدمة عمرو! كيحقق فلامحها ميمكنش يكون هذا كامل شبه ولمح الضربة لي فكتفها صافي تأكد والصدمة باااينة على وجهو عينيه كيرمشو وفمو كيترعد بحالا باغي ينطق معرفش واش هذا حلم ولا شنو تا نطقات هي
شوق:أنا شوق بنت جيرانكم ممتش
رضوان كيتمتم: أ أ شوق ميمكنش لا لا بلاتي كيفاش!!
شوق:اه يمكن..! ممتش
رضوان:الجتثث اه الجتثث انا شفت جتثك مشوهة (تحرك بالشوية) لا كيفاش أش هادشي كيوقع معايا
شوق:تهدن..هداك نجيب ماشي أنا
رضوان قاد جلستو بزز كيتوجع تقابل معاها:ولكن كيفاش أنا معقتش ونتي علاش درتي هاكا بلاتي! يعني نتي لي قتلتيهم
شوق حركات راسها:يستاهلو
رضوان باقي مصدوم: علاش
شوق: فيك متسمع انا مغنخبي والو
يتبع
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
