52
خلاهم مصدوومين معرفو ميديرووو .. دارت شوق الفردي ديالها ورا ظهرها وتحناات لداك الصندووق جلسات قفازي كتحل فيه وهوما متبعين معاها حلاتو لقات فييه ورقة كبييرة مكتوب فيها بالإيطالية وبالخط العرييض "ديري التحاليل" كمشات عينيها وكملات تقلاب لقات شعر كحل ورطب معقوود قربات يديها كتهزو بتقالة غي ولا بيين يديها وتكشف المستوور ومعاه عينيها توسعوو وترخات فالأرض جالسة طلقات الشعر متسوقاتلوش وقربات لداك الصندووق كتشووف فييه كان فييه زيرا ! الغرااب ديالها وداير على عنقوو خيط ! شنقووه وسيفطووه ليها كرسالة .. هزاتوو بيين يديها كتحقق فيه غرابها ميخفاش عليها .. قتلوه وشواوها فيه ملي كان صغير وهو عندها تخوي عليه همها وكل ما متقل علييها .. مستوعباتش الأمر بقات كتقلب فييه على أمل تلقا غي شي حاحة تقوليها ما شي هو رجعاتو لبلاصتو وهزات راسها الفووق بصوت مخنووق بدات كتصفر وكتصفق بيديها على أمل يجي عندها ولكن واالو هو ميّت ومكووفر حداها .. قرب ليها رضوان وجلس حداها حط يديه على كتافها وجرها عندوو مزيّر علييها
هزات فييه راسها وعينيها مغرغريين ونطقات
شوق:علاش هو؟
زاد زيّر عليها ونطق بدورو
رضوان:مديريش فراسك هاكا
وسعات عينيها وشافت الفوق كتحاول تكبح دموعها وتنشف عينيها .. ورجعات شافت فيه بنظرة بااردة ونطقات
شوق:عندك الحق ! خااص ندير فيهم هما شتي فاش كترخي راسك أش كيطرا كيطغاااو!!
قبل ميجاوبها ناضت رجعات زيرا للصندوق وهزات داك الشعر طولات فيع الشوفة ومداتو ليه وهزات داك صنيديقة غادا للجردة وهما متبعين معاها معندهم ميقولو عارفين معزتوو عندها مكانت كتهضر مع تا حد ومعظم الأوقات كتكوون معااه ..
حطاتو فين بغات دفنووو ومشات جابت معدات صغار باش دفنووو .. وهي كدفنوو بزااف ديال المشااعر حيااو واحد الجانب منها بدا كيمشي وكيجي بلاصتو جانب آخر تخلق مع حبها لرضوان .. ولكن معاامن باقي قداامها بزاف باش ترتاح خاصها تصفي وتحارب شحال من حاجة وفطريقها يا إما تتعذب وتربح و يا إماا ترتاااح فدقة وتخسر .. معركة خاص يطييح فيها واحد ميمكنش يبقاو بزووج والقرار كيبقا للقدر
#يتبع_غدا يا بنات تصبحن على خير
غنبدل الكوفر عندااكم تلفووو وتا الأحدااث غيتبدلوو دخلناا لحرب أخرى ومن الجهة العليا نعام لالة 🤭
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
