(81)
معادلة بمجهولين #SaFae_El_idrissi
بعد 4 سنوات
فواحد الحي راقي وعامر بالناس فنفس الوقت كان واحد الكلينيك باقي فالسنوات الأول ديالوو ولكن هادشي ممنش انو يولي من الأحسن المستشفيات فالمدينة ومعرووف الناس من كل المدن كيجيو ليه خصوصا على قبل جراحة القلب والشرايين وهذا بفضل الطبيب المتمكن لي فييه ""مستشفى الشَّوْق""
وقفات الأوطو حدا الكلينيك وهبطات بكامل أناقتها كريشتها منفوخة شوية بارزة فشهرها الرابع ملامحها متخيروش بزااف من غير أنها غلاضت ومعالمها التنثوية برزو مع الحمالة والولادة .. حلات الباب اللوراني ونزلات بنت صغيرة ذات التلات سنوات دايرة ليها كريينات جاات كتشبه لرضواان غي هو صاافي .. أصلن كيقولوها فاش الراجل كيكون كيموت على مرتو تيخرج الولد ولا البنت الأولى فوطوكوبي ديالو
شداتها من يديها وهي متحمسة وفرحانة نطقات بغنج بصوتها الصغير
غفران:مامي واس دابا غنعلفوو واش غتكون عندي ختي ولا خويا
حنات شوق راسها عندها تبسمات وحركات راسها بآه
-اه نتي ششنو بغيتي
غفران:صلاااحة بغيت زوج سولت بابا قاليا بحال بحال (هزات كتافها) غي يكون بصحيحتو
ضحكات شوق تا تسدو عينيها وكملو طريقهم داخلين ولي شافهم تيسلم على شوق ويبوس غفران ولي عرف شوق مرت صاحب الكلينيك تيعرف علاش سميتو مستشفى الشوق ..
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
