معادلة بمجهوولين #Safaeelidrissi (60)
آدم قرب ليها خاشي وجهو حدا وجهها قليل ترابي معندوش شي حاجة سميتها الإحتراام واخا تكون مو وعزيزة ولكن عقلو كيقوول لي بغا ..
آدم:كون مكنتش أنا كنتي غتخرجي برا هاد القصر وشوفي شكون غيحن فيك أي سينيورا "سولينا"
شوق قلبها ضرب فاش سمعات سمية أمها يديها كيرجفوو بزز باش شادة داك السلااح مكرهاتش تدخل وتعنقها عرفاتها باغا تشووفها وهي كتر منها فكرة أنه مها حية فكرة أنها بحال كاع ناس عندها مها مفكرااتش فكيفاش خلاتها ولا كيفاش وصلات للمغرب ومها إيطالية عقلها استغنى على هادشي كاامل وشد حاجة وحدة هي مها حية وباغا تشووفها .. كتحس بالفرااشات فكرشها كيلعبو إحساس لا يووصف..
آدم :دابا غنعطييك واحد الغوب تلبسيها وتهبطي معايا للتحت كااين غي واحد من الريوسة الكبار لاخرين ماشي مهمين تدوي معاه وترجعي تبكي على بنتك لي باقا عايشة أما بنتك لاخرة بكيتي عليهم هاد الشهر مزيان
سولينا بغضب وحرقة:واش نتا بصح ولدي
آدم:نديرو تحليلة ونتأكدو (غوت كيهضر تحت سنانو) دابا نوضي قادي رااسك
وهو كيهضر تا سمع صوت الفردي كيستاعد للإنطلاق تسمعات ديك (تشك تشك) تبسم جنب بفقصة عرف أش كااين وقال فخاطرو بلي كان خاصو يعيق فاش لقا لاسانسوغ خاسر .. وتلفت ببطئ وسولينا تاهي تلفتاات كتشوووف مفاهمة والو
شوق:متنطق بحتى كلمة ولا نخوي ليه فراسك
أدم دوز يدو على فمو زعما هاني ساكت بإستفزاز وشوق دورات عينيها من ورا داك الماسك شافت فسولينا ونطقات برجفة
-أجي هنا
سولينا بلعات ريقها وقربات منها بخطوات سريعة خايفة حتا وقفات مقابلة معاها .. قربات منها شوق كتشوف فيها وترجع تشوف فآدم حتى جراتها عندها بقوة معنقاها بيد واليد لاخرى باقا موجهاها لأدم.. لي كيتبسم ليها ديك الإبتسامة الصفرة المستفزة
سولينا معرفات رااسها باش تبلاات .. تا نطقات شوق بصووت بااح
-ماما
سولينا خرجات عينيها وبعدات عليها عينيها كيتحركوو بدون وقووف على وجهها مغرغريين حيدات ليها داك المااسك بالشوية كتشووف فوجهها.. حطات يديها على وجهها كتشووف فيها وتحقق ممتيقاااش نطقات بصوت شبه مسمووع ..
سولينا:بنتيي !! مارتينا
وتلاحت هي هاد المرة معنقااها وكتبكي .. فهاد اللحظة قرب آدم باغي يحيد ليها المسدس قشعاتو فآخر لحظة دفعات مها بالشوية وضرباتو بظهر الفردي لوجهو تا ولا فمو كامل دم .. شد على وجهو وشق رجعات ليها التخنزيرة وجهها وشادت الفردي بيديها بزووج موجهاه ليه
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
