🚬"معـادلـة بـمجـهولـيـن"🚬
✒️#SaFae_El_idrissi
الجزء 36:
ركبو فاللوطو وساقت شوق باش رضوان ميفرورصيش على راسو
دخلو لواحد المول تما كبير وعامر بالناس شوق جاتها فشكل فاللول بحكم شحال هذي متجمعات مع بنادم غي رضوان لي مونسها وممخليهاش تتوتر..
دخلو فالأول لواحد الكافي فطرو وبعدها خرجو كيضورو تما هبطو للبحر حيدو السبادري تاعهم وبداو كيتمشاو فالرملة ورضوان كيضربها بالرملة بلعاني
شوق: وا صافي شوف كيفاش عمرتيني كاملة
رضوان ضحك:أجي
جرها كيجريو تا وصلو لواحد البارك (ملاهي صغير)
شوق:أش جينا نديرو هنا
رضوان هز كتافو:نلعبو
شوق: منيتك قدنا كيلعب
رضوان: هاد الهضرة مقلتهاش تا أنا المينورة
شوق غوبشات:أنا مينوورة! زيد يلاه
دخلو للداخل خلصو وبداو بالألعاب الأولى طوموبيلات التساطيح السيد نسا راسو واش مضرووب وطلعو فهاديك لي كدور فالسما وكيتسناها تخاف وتخشا فيه بحال گاع البنات ولكن معامن نتا.. البنت هازة يديها للسما وكضحك مهياش هنا شاف تا عيا وجرها عندو معنقها وهي باقا كضحك
من بعد ما سالاو هاد الألعاب دخلو لواحد اللعبة بحال المتاهة خاصهم يلقاو بعضهم وهما دايرين زيف على وجهم كيحجب الرؤية ..
دخلو كيقلبو وكيضحكو
شوق: أنا لي غنلقاك الأولى
رضوان: يالاه بيني ليا
بدات كتقلب بيديها تا حسات بشي حاجة وراها شدات فيه بجهد وهو يتنتر منها ونطق بصوت غرييب مكانش رضوان
الغريب:غدا غتوصلك هدية مني
شوق وسعات عينيها وحيدات داك الزيف لقات راجل لابس كحل فكحل داير القب وغادي كيجري
شوق: إييه أجي شكون نتا
رضوان سمعها كتغوت حيد تاهو الزيف وقرب منها
رضوان: مالك
شوق: جا عندي واحد الراجل وقال ليا نتسنى هدية منو غدا
رضوان كيقلب بعينيه:فااااك!! أش هادشي دخلتي راسك فيه (ساط بغضب) صافي يلاه نمشيو
شدها من يديها كيزرب تا ركبو فاللوطو ساق هو وزادو راجعين للدار
#يتبع
ويا فرحة ما تمت🥱
أنت تقرأ
🌹معادلة بمجهولين 🌹( مكتملة )
Action#Alfa_stories ❌محلل النشر شرط الإحتفاظ بالغلاف وإسمي ❌ 🚬مـعــــادلـة بـمـجـهـولـيــن🚬 من تأليف وكتابة✒: #SaFae_El_idrissi "صفصف" ------- #معادلة_بمجهولين علمتني الرياضيات أن حركة الفاصلة تغير كل ا...
