🌹معادلة بمجهولين 🌹( مكتملة )

part73

(73)

معادلة بمجهولين #SaFae_El_idrissi

-انا بغيتها بزااف يمكن هادشي علاش كيوقع ليا هاكا (خفض من نبرة صوتو مخنوق) يمكن كان خاص نبغيها غا شوية (حط يدو لي كترعد على قلبو) باش هاد القلب يصبر لهاد العدااب دابا راه كنحس بقلبي شاعلة فييه العافية ودموع فعيني كيحرقووني

جعفر نتجمعو الدمووع فعينيه مسحهم وشاف فييه ..
-بحالي بحال تا انا بكيت على عائلتي كاملة على بناتي  ونهار لقيت وحدة منهم!! (بلع ريقو بصعوبة مزيّر على يديه) نوض دابا خاصنا نمشيو

جرو من يدو حتى نااض.. لقاه حاط ليه تم قاميجة كحلة وسروال توب كحل وسباط.. خرج جعفر وخلاه كيلبس بوحدوو كيلبس بتقالة ما باغيش يكمل حيت عارف راسو فين غيمشي من بعد !! غيمشي يدفن قلبوو تحت الطرااب كيلبس وكيدعي فخاطرو يكون كلشي كدوب غي كيتخيل وميتعدبش بحال هاكا الحزن مستحوذ على جسمووو كامل عينيه وجهوو وبالأخص قلبو لي كيف قال شاعلة فيه العافية

وهو كيسد صدايف قميجتو ويديه كيترعدو بداا كيشوف فداك الفراش ويتفكر أش دوز فيه معاها كيفاش كان كل يوم كيعتارف ليها يأكد على مدر حبو ليها وهي كذلك كيفاش كانت كدوز يديها على صدرو وتخليه يطير معاها لأبعد مكان ناسيين كلشي ولكن دابا صدمهم الوااقع ..  جسمو من الفوق بدا كيتهززز  بجهد وتنخصيصة طالعة معاه كيشهق حتىى غوووت على حر جهووو وبدا كيشقلب داكشي لي قدامو ويهرس كيغوت على حر جهدوو ويقووول لا بصوووت بااح غلييض ومجرووح جعفر كان حدا الباب حط يدو على رااسو متأسف لأبعد حد دفع الباب ودخل كيشووف فكلشي مليوح وهو باقي لي لقاها قدامو يهرسها آسر وأيسل سمعو الغوات تاهما طلعوو خلاص هدو دموعهم منشفووش الليل كامل وزادو دابا فاش شافو رضوان هاكاك كان ديما داك الشخص لي كيضحك وهادئ كلو همو شوق لي كيبغي من الصغر كان صادق فحبوو وكيبغيها كتر من راااسو باش يتقبل بحال هاد الخبر صعيب عليه الحاال..

قربو ليه جعفر وآسر حاولو يشدووه ووالو بعدو منو تا زقف على خاطرو وجلس على ركابيه حاني راسو ..
قرب ليه جعفر بهدوء حط يدو على كتفو

جعفر:نوض أولدي خاصنا نمشيو دابا يلاه

وجرو من يدز حتى نااض مسح على وجهو كيتمشى حدااهم ما بقى نطق بحتى كلمة غير كيتمشى بخطوات تقال تا طلعوو للوطو لي كانت كبيرة دخل هو اللول معاه أسر وأيسل عاد تبعهم جعفر مع سولينا

#يتبع_غدا  نهاية غتكون هاد الأيام .