لميت شعري ديل حصان صغير نظرًا لِـ قِصَر شعري لبست تيشرت اوفر سايز اسود كـ العاده بنطلون قطن اسود برضوا لميت شنطتي، لبست الكاب عشان مسمرش اكتر:
_ماما انا نازله عايزه حاجه من تحت؟!
_هعوز منك ايه يا موكوسه يعني!
_ماشي سلام.
ليه مش بتعاملني زي اصاله؟! مهتمه بيها بـ أكلها و بـ شُربها بِـ كُل تفصيله ليها لكن انا لأ!!!
روحت الكُلية قعدت لوحدي لأني معنديش صحاب من ساعه ما صحابي قالوا لي مش عايزين نصاحبك تاني كُنت ساعتها أولى اعدادي و مِن
يومها معنديش صحاب
قعدت و الدكتور دَخَل ركزت خلصنا بعد ساعتين كان في ساعتين لسه على المحاضره جِبت اكل و قعدت في الجنينه اللي ورا لوحدي اتبعتلي
ماسدج زي كل يوم
"متزعليش يا قطتي هيجي اليوم اللي هيبقى فيه عندك صحاب كتير"
كل يوم بيتبعتلي ماسدجات زي مثلا :
"خلي بالك وأنتِ بتعدي الطريق"
"كان شكلك حلو اوي بالتيشرت السماوي"
"كُلي كويس عشان كدا مينفعش"
و رسايل كتير منها تشجيع عشان أكمل مِن و انا في تالته ثانوي و الرسايل دي بتتبعت مرضتش اعمل بلوك و مش برد في نفس الوقت بس
فرحانه ان في حد بيهتم بيا
أنت تقرأ
حَكاوي
Short Storyالسلام عليكم أنا مريم، بكتب اسكريبتات و قصص قصيرة بس مكنتش بتتشاف فـ قررت هجمعهم كلهم في روايه واحده و اسمها "حكاوي" كل فصل هيبقى حكايه جديده بأبطال جُداد عدد الحكاوي معرفش هُما قد إيه على حسب هي هتتشاف ولا لأ برضه
