دخلت بتوتر و رعشه خفيفه في ايديها بتجيلها في حالة التوتر اللي هي فيها دي
حاولت تبقى ثابته قدر الامكان و سألت السكرتيره
سألت السكرتيرة بهدوء_لو سمحت دي عيادة دكتور نور صح؟
_اه يا فندم حجزتي ولا عايزة تحجزي؟!
_لأ انا حاجزه بأسم سلمىٰ عبد الرحمن.
_دورك كمان ربع ساعه.
شكرتها و قعدت و استنت الربع ساعه دي
قالت السكرتيرة بإبتسامة_اتفضلي يا انسه سلمىٰ دكتور نور خلص.
_خلص!!! طيب شكرا جدا
خبطت علىٰ الباب تلات مرات
اداها اذن بالدخول فـ استغربت مِن الصوت
فتحت الباب و دخلت لقيته راجل
قالت بصوت واطي_ايه دا راجل!!!
_بتقولي إيه يا انسه سلمىٰ، اتفضلي اقعدي
_هوَّ مِش المفروض دي عياده دكتورة نور؟!
_دكتورة نور سابت العياده مِن بدري وأنا جيت مكانها إسمي نور برضه.
_بس دول قالولي إن هِنا دكتورة مِش دكتور!!
_طب هوَّ في مشكله إن أنا راجل؟
قالت بتلقائية_دي اكبر مشكله يا جدع!
_اقعدي بس الاول.
_لأ أنا ماشيه.
_بُصي اقعدي و احكي مُشكلتك لو مرتاحتيش ليا متجيش تاني.
قعدت و اتنهدت_دا أنا قعدت ادور تدوير علىٰ دكتورة ست و في الاخر يطلع راجل برضه سبحانُه!
_مُمكن أعرف مُشكلتك إيه مع الرجاله عمومًا؟!
_دول كائنات زباله و خاينين و غدارين و ميتأمنش ليهم.
_و إيه كمان؟!
_حاجات كتيره أوي.
_طب بُصي يا انسه سلمىٰ هقولك حاجه أنتِ ليه بتجمعي؟
أنت تقرأ
حَكاوي
Short Storyالسلام عليكم أنا مريم، بكتب اسكريبتات و قصص قصيرة بس مكنتش بتتشاف فـ قررت هجمعهم كلهم في روايه واحده و اسمها "حكاوي" كل فصل هيبقى حكايه جديده بأبطال جُداد عدد الحكاوي معرفش هُما قد إيه على حسب هي هتتشاف ولا لأ برضه
