حَكاوي

الحِكاية السابِعة_حِلم مُحطم!!

_السلام عليكم.

رد السلام بابتسامة و رد عليَّ بِحماس_و عليكم السلام أؤمريني يا جميل.

اهدي و ملكيش دعوة بيه
_الأمر لله،عايزة اتنين اندومي لحمة و تلاتة نسكافيه و شيبسي بالخل و المَلح.

اصرفي يا نونو ولا يهمك إنتِ لسة واخدة المصروف شهيصي نفسك و اشحتي باقي الشهر

حط الحاجه فـ أكياس

سألته و أنا بفتح محفظة الفلوس_الحِساب كام؟؟

_خلّي يا ندىٰ مِش كُل مرة تصرّي.

_لأ يا آمن دا شُغلك و بلاش إنتَ كُل مرة تقولي خلّي و أنا اقولك مينفعش زهقت من الحوار دا، قول الحِساب كام؟؟

قال بأحراج_٣٥ جنيه يا ندىٰ.

اديته الفلوس و قولت _تسلم يا آمن.

قبل ما أمشي وقفني بسؤالُه
_الشباب هيتجمعوا علىٰ السطح النهاردة؟؟

_اه قالوا هنتغدى سوا و الكُبار هيتجمعوا في الشقة اللي تحت.

مشيت بعد ما قولت الجُملة دي، طلعت و عملت الاندومي و ظبطت القاعدة في نية إني مش هطلع عشان مشوفش آمن غتاتة

_يلا يا ندى البسي عشان البنات بيسألوا عليكِ.
ماما قالتها و هيَّ بتفتح النور و بعدها الدولاب تشوف هلبس إيه و أنا اساسًا موافقتش أطلع!

_مش هطلع يا ابله ثلمى.

_ابله ثلمى! إيه دا إن شاءلله شخصية جديدة.

_الرجل العناب يا ماما.
رفعت الشبشب و قالت_قومي عشان مزعلكيش يلّا يا ندىٰ بطلي لكاعة.

قولت برفض_يوه بقىٰ أنا مِش عايزة اروح فـ حته!

_قولت كلمة و مش هكررها تاني يلّا!

_حاضر يا سلمىٰ حاضر.

خرجت و أنا اتصلت برفيقة المصايب

_الو يا جوجا.