كُنت طالعه علىٰ السلِم مازن علىٰ ايدي و أكياس الخُضار في ايدي التانيه و مش عارفه افتح الباب و كُنت سيكا و هعيط باب الشقه اللي قُدامي
اتفتح
_ازيك يا بنتي؟!
_اهلًا.
لفيت و حاولت افتح الباب تاني
_طب هاتي الولد عشان تعرفي تفتحي الباب.
عيطت ساعتها
_طب صلِ على النبي و تعالي معايا.
مسحت دموعي
_عليه أفضل الصلاة و السلام شكرًا يا طنط انام هدخل.
_ولله ابدًا ادخلي معايا.
دخلت معاها
_هدخل اعملك ليمون يهديكِ.
_لأ لأ شكرًا وللّٰهِ.
_اقعدي أنتِ زي بنتي.
دخلت و عملت الليمون و خرجت لي
_اومال مامتك و باباكِ فين؟
_انا مِش مِن القاهره اصلًا.
_طب و سايبين اخوكِ معاكِ ليه؟!
_دا مش اخويا دا ابني مازن.
_نعم!!! دا أنتِ شكلك صُغير اوي!
_مَـ أنا صغيره فعلًا.
_عندك كام سنه!
_١٧ و داخله على ال١٨.
_نهار ابيض دا أنتِ صغيره اوي يا بنتي.
_الحمدلله.
_دا أنتِ تقعدي معايا و تحكيلي بقىٰ.
_مش هينفع النهارده وللّٰهِ يا طنط محمود جاي.
_جوزك؟
_اه بُصي لما يسافر تاني هجيلك هو يومين و هيسافر تاني.
_مستنياكِ و بيتي دايمًا مفتوح لِك.
_شكرًا يا طنط ربنا يخليكِ.
روحت البيت و حاولت أعمل أكل و كُنت كُل شويه أروح لجارتنا عشان اسألها علىٰ حاجه
أنت تقرأ
حَكاوي
Short Storyالسلام عليكم أنا مريم، بكتب اسكريبتات و قصص قصيرة بس مكنتش بتتشاف فـ قررت هجمعهم كلهم في روايه واحده و اسمها "حكاوي" كل فصل هيبقى حكايه جديده بأبطال جُداد عدد الحكاوي معرفش هُما قد إيه على حسب هي هتتشاف ولا لأ برضه
