حَكاوي

الحِكاية الثانية وعشرون_يجمعهم نادي...

اسكريبت

_بيبو يلا.
وقفت واستنيت يقول الإسم التاني

كمّل كلام_كريم قوم مع عبير

رددت بصدمة_إيه! بعيدًا عن عبير دي بس كريم إيه اللي العب معاه انتَ مِش شايف يا كابتن دا عمود نور؟؟

الكابتن قال بإبتسامة واسعة_ايوه ما أنا عارف عشان في البطوله مفيش حاجه تقف قدامك.

إعترضت_يا كابتن كريم لأ

قال بصرامة بعد ما الإبتسامة اتمحت من علىٰ وشُه_يلا يا عبير.

إعترضت تاني_طب متقولش عبير طب.

_إخلصي يا بيبو

_ماشي ليك يوم يا ناجي!!

بدأت العب مع عمود النور وهوب اداني واحده في عيني عماني فيها

_آه عيني طارت آه ياعيني!!!

كابتن ناجي قال_طبعًا يا كريم انتَ لو عملت كدا في بطوله تاخد انذار من غير تفكير.

كريم رد بأسف_اسف يا كابتن مكنش قصدي.

صيحت مرة كمان_عيني ضاعت كريم ضيعلي عيني.

كريم قالي وهو بيروح لمكان شنطته_هروح اجبلك الازازه بتاعتي فيها تلج.

صيحت للمرة التالتة_ليك يوم يا كريم الكلب!

_ما قولنا اسفين إيه في إيه يا صياحو!!!

جاب الازازه وحطيتها علىٰ عيني اللي بدأت تنمل

قولت بِرُعب_إنا مش حاسه بعيني.

طمنّي وقال_التلج هيهديها.

الكابتن قال_يلّا روحوا علىٰ جنب عشان الباقي يلعب.

_حسبي الله ونعم الوكيل اشوف فيكم يوم.

كريم قال بضحك_بس يا صياحو.

_اسكت انتَ خالص.

_طب انا أسف طب قومي.

قومت وقعدت على جنب

قال تاني بندم
_اسف ولله مكنش قصدي.

ضحكت وقولت_خلاص ولا يهمك يا كيكو.

_مش كيكو دا كان روج؟

_اها ليب ستيك و ليب جلاس فور ايفر.

الكابتن قال_خلاص يا شباب نتقابل يوم التلات ان شاءلله.

_خالو وراك حد تاني ولا هتروّح؟

_لسه هقعد تاني كابتن محمود مش جاي وهدرب العيال بتوعوه.

_ربنا معاك يا نيجو

سألني بإهتمام_طيب هتروحي ولا هتستني؟

_هروّح.

_خلي بالك علىٰ نفسك.