#قربان بلا ذنبلتنسون التصويت+ التعليق بين الفقرات+ متابعة الحساب فضلاً...
عمري أعذروني تأخرت لأن البارت طووويل وهسة كملتة...اتمنالكم قراءة ممتعة..
____________"
هَلي انةة الوجَع متروس
وأضحك بِـ الچذب لازم
هَلي انةة الـ لوّن مَريت
يبدي منادس الوادم '********
سمار ::- صدمتنة ب سؤالها المفاجأة من گالت ...
أم أقدس :- صدك أمجن اتطلگت ؟، والله ما صدگت من سمعت بهل خبر...
بقينة محتارين وما عرفنة شنو نجاوبها..
بس زوجة خالوا حجت تحاول تسد الموضوع..:- أي والله بعد صارت والحمد لله على كل حال
أم أقدس :- بس شعجب أنه الصراحه ما صدكت لأن من سافرنة أتذكر أبو أقدس جان يكول ، أولادهم اربعتهم جايبتهم ، شعجب عافتهم واتطلگت ..
بقينة مصفصفين بوجهة ، والبنات الوياها بقن يباوعن علينة بفشلة...
ردت عليها زوجة خالوا..
:- عيوني أنتي همه قرروا هل شيء وانفصلوا بدون ما واحد يعرف شنو السبب والسالفة انست وراحت
ومحد يحجي بيها لو يتذكرها...من كالت زوجة خالوا هيج ، أم أقدس سكتت لأن جان واضح أنو ما نريد أحد يحجي بهل سالفة أو يتدخل...
بعد سكوت دام دقائق قليلة..
حچت حوراء زوجة إخوة أصغر منه ومتزوج قبلة ، ليش ؟ معرف وما ركزت..گالت بضحكة تحاول تكسر التوتر والسكوت إلي احتل المكان من بعد سؤال أمه...
حوراء :- ههههه حتى ما عرفنة شنو رأي سمار ب سيدنة ، إذا عجبها لو لأ ؟
حچت رقية أخته مأيدة سؤالها..
رقية :- أي صدك ما گتيلنة شنو رأيج ب أخوية ؟
خجلت هسة شجاوب إني..
خليت شعري ورا أذني مستحية شنو اجاوب..رجعت گالت أخته...
رقية :- شوفي حبيبتي مو لأن أخته وراح احجي هيج بس ثقي واتأكدي أخوية ماكو مثلة وحباب
وفوك كل هذا حنون كلش ومتأكدة يخليج بعيونة
وما يقصر وياج إذا اختاريتيه..وصرتي زوجتة..سمار :- اباوعلهن ساكتات ومنتظراتني احجي..
هو إني ما عندي اعتراض بس خجلانة ومحتارة شنو اجاوب ، ومن ارتباكي وخجلي ردت بس انطي جواب واخلص من السؤال...حجيت بصوت متقطع وناصي...
سمار :- مـ مادري كيفكم
اباوعلهن بس گلت هيج كلهن ضحكن..صفنت عليهن
ومن فشلتي اتمنيت تنشگ الگاع وتبلعني...
ردت ابجي من الفشلة هسة يگولن هاي شگد ثولة وفاهية ، دمعن عيوني من الموقف ودنگت...
أنت تقرأ
قربان بلا ذنب
Mystery / Thrillerفي احدى البيوت العراقية... خلافات تحدث بين ابّوين تؤدي إلى انفصالهما.. لكن هناك أربعة أبناء سيقعون ضحية لهذه الإنفصال. كيف ستكون حياتهم من بعد ذلك..؟! لنغوص في حياتهم ونرى ماذا تخبأ لهم اقدارهم!