قربان بلا ذنب

البارت الثامن

# قربان بلا ذنب

مساء الخير...

لتنسون التصويت+ التعليق+ متابعة الحساب

البارت طويل لعيونكم 🤎

''''''''

-التعب
عاشر گلايدنه وصفت صفره

النهر ضيگ ومامش حيل ونعبره !!

شــبـعــد ونعاشر التابوت مو متنه الف مره

*********

سما::- نزلت من الخط متوجهه للمعهد.. أول أيام داومت يوسف يوصلني بس بعدين كال اخليلج خط أفضل بالرغم كتله ماريد لأن وضعنه مايساعد على مصاريف خط بس هو مقبل وأصر أنو يلكالي خط وكال معليج أنتي..

أول ما دخلت شفت عبير كاعدة على مسطبه تنتظرني.
بنيه تعرفت عليها بالمعهد حبابه وهادئة كلش أول ما حجينه سويه واتعرفنه على بعض حسيتها تناسب شخصيتي لأن تقريباً نفس الهدوء..

من داومنه لسه إني وياها مخلصين الوقت سوية وهي كل يوم من أوصل الكاها تنتظرني برا حتى نفوت سويه..

وصلت يمها::- هلو صباح الخير

- صباح النور تاخرتي اليوم

- أي مو ازدحامات كوه وصلنه

- تمام يالله خل نفوت راح تبدي المحاضرة

- يالله أمشي

رحنه للقاعه همزين الدكتور بعده ما جاي بس كعدنه دخل هو وبدأ بالمحاضرة...
ساعتين وخلصنه اخذنه كتبنه وطلعنه الكافتيريا..
درت وجهي على عبير...

- خل نأخذ لفات وعصاير ونروح نكعد بالحديقة أحلى شتكولين

- تمام على راحتج

- اوك ، رحنه اشترينه ورجعنه للحديقه كعدنه على مسطبه المكان هدوء كلش ويه الجو وريحه الزرع راحه نفسيه..

انتبهت على صوتها...

- أكلي قبل لتبرد اللفه تصير مو طيبه

- أي راح أكل

بدينه نأكل ونسولف على دراسه والدكاترة..
اتذكرت وسألتها..

- صدك شصار ويه إبن خالتج

شفتها عافت اللفه وبلعت ريكها ، اتنهدت وجاوبتني

- اجه البارحه وجايب امه نفس كل مرة طلعوا بدون ميحصلون جواب

- تؤ هسه اخوانج شكوو قابل شدخلهم غير هاي حياتج ولازم أنتي تختارين شريك حياتج

- قافلين وميقتنعون شسويلهم

- امج ليش متحاجيهم ، متفرض كلمتها عليهم بكيفهم هي

- مو بيدها همين حجت وكالت بس همه قافلين

- زين وإلى متى تبقون هيج وابن خالتج شنو كال

اباوعلها ابتسمت وغطت وجهاا خجلانه...
ضحكت من شفت حركتها ، ضربتها على كيفي..