قربان بلا ذنب

البـارت34

#قربان بلا ذنب

لتنسون التصويت والتعليق على كل فقرة+ متابعة الحساب فضلاً ❤️

*********
سما ::-جنت نايمة على الجرباية يمكن الساعة ب12 إلا ربع توني غفيت وحسيت الباب انفتح ما فتحت عيوني ولا اتحركت بقيت على نومتي سمعت الباب رجع انسد وصوت خطواتة بالغرفة لحظات من اتعدت الدقيقتين وحسيت بشيء يمشي على رجلية كمزت بسرعة مخترعة..

الضوء خفيف مشتغل بالغرفة رجعت ليورا من شفتة كاعد يم رجلية كلبي يرعد احسة من الخوف دخيلك ربي باوعتلة شكلة مو واضح بس هيئتة مبينة فتحت عيوني من حجة بصوت ثگيل كوة ينفهم..

- اخخخ وينج تعاي اريدج خل اراويج شسوي بيج اليوم

زحفت ليورا فاتحة عيوني على وسعهن شيكول هذا وليش هيج صوتة ما ينفهم عبالك واحد سكران شهكت برعب مخلية ايدي على حلكي صخام الصخمة معقولة يشرب..

انتبهت على روحي وردت اطفر من الجرباية ولا ابقه يمة وهو بهل وضع بس هو جان اسرع مني وكمز علية ردت اصرخ ما لحكت وحسيت بيدة على حلكي جسمي يرجف من الخوف كلبي على ساعة يوكف..

اتخبلت وكمت ارفس برجلية من خلة راسة بركبتي وكام ينهش بجسمي بدون رحمة دموعي نزلت ب الم واني أحاول اوخر ايدة من حلكي غير ايدة الثانية الخلاها على جسمي شاطت روحي من لمساتة القوية
اختنكت حسيت روحي جاي تطلع دخيلك ربي لاا لاااا لاااااا....

صح زوجي بس كرهت هل شيء وحسيت روحي راح تنسلب مني بهل لحظات بدون رضاي ، غمضت عيوني والدموع مغركة وجهي هااي هي راح ينتهي كل شيء بس فجأة!!!

هدئت حركتة وهو يتمتم بحجي ما مفهوم ايدة العلى حلكي رخت واني گبل استغليت الفرصة ودفعته بكل قوتي طاح على ظهرة ما حاس على روحة ، نهضت نفسي بسرعة وكمت من الجرباية وكفت اباوعلة واستر بجسمي مادري أحمد الله لأن خلصني لو اندب حظي على الشعور الجاي احسه..

مسحت دموعي بيديه الترجف لعبت روحي ورحت گبل للسلة كمت اتقيئ وترجع دموعي تنزل من حسيت بروحي هديت كمت اخط برجلية خط فتحت الكنتور جريتلي دشداشة وطلعت للحمام..

كعدت مهدود حيلي وابجي خليت ايدي على حلكي امنع صوت شهكتي يطلع ليشش لييش هيج صار وياي ياا الله دخيلك خلصني يارب..

كوة غسلت جسمي وشفايفي ترجف لبست ملابسي ورجعت للغرفة رغم الخوف البية بس لان نايم وعساه لا كعد اطمنت شوية وكفت گبال المراية وعيني على ركبتي كرهت روحي منها وبسببها..

اتجهت للقنفة كعدت عليها حاضنة اركبي لصدري وعيوني مغورگة بالدمع واباوعلة نايم وفاتح حلگة ما حاس على شيء واني القهر والخوف ياكل بگلبي فكرت اتصل ب سمار بس اتراجعت الساعة بالوحدة وفوك صارت مو مال اتصل عليها واخرعها..