قربان بلا ذنب

البارت السادس

# قربان بلا ذنب

*******

سمار::- داخلين بحالة صدمة من إلي سمعناه..
كلمات خالوا صابتنه بذهول واستغراب..
لدرجه السكوت عم بالمكان كله من حجه خالوا..

- والله ما أعرف شلون احجيها الكم بس أنت تعرف أم يوسف بعدها مو جبيرة بالعمر وانتوا انفصلتوا
وماعتقد عندكم قرار أو مجرد فكرة أنو ترجعون لبعض لا هسه ولا بالمستقبل..
واجوا عليها ناس رجال قريب لعمرها
والحياة ما توكف عند نقطة وحدة لابد تمشي
ف وافقنه على القسمة هاي واجيت اليوم انطي خبر
لأولادها حتى يجون يشوفوها..

سمار: التفتت بنظراتي على بابا واخواني صدمتهم لا تقل شيء عني... قاطع صدمتنه يوسف وهو يحجي ب نبرة قريبه للاستهزاء..

يوسف : ههه يعني شنو أختك تريد تتزوج

أبو سمار: تأدب يوسف تبقى أمك لتتجاوز

يوسف: شنووووو تريدني اسكتتت وهي دارررت ظهررها بدون متفكر بينه وهسه جااااييين يكووولون تريد تتزوج والله شنوووو الحياة لازم تمشي

سمار: انصدمنه بردة فعل يوسف وانفعاله أبدا متوقعنه يحجي هيج كلنه بقينه صافنين عليةه
شلون صار عصبي... كال خالوا:

- لأ تفسرون ب كيفكم ، امكم وابوكم متفقين على هل شيء ولا إني ولا انتوا نعرف ليش قرروا الإنفصال..
وإني مثلكم بس ما حكمت على أحد بيهم ولا سألت
لأن مو كل شيء ينححي ولو أريد أخذ بخاطري
واشيل على ابوكم ما جان هسه إني كاعد يمكم

- هاا هي خوية ، ماكو مشكله وأكيد الحياة تمشي
واحنه انفصلنه وطريقنه مابيه رجعه
واعذر يوسف على ردة فعله انفعل لأن تبقى امه

- عاذرهم أبو يوسف وحقهم بس شنسوي
لأ بيدي ولا بيدكم..
وهسه خالوا حبايبي امكم تريد تشوفكم لأن الأسبوع الجاي الناس تريد تكمل كل شيء وطلبت مني اجي
اكلكم حتى تروحون ويايه من بعد موافقة ابوكم أكيد..

- إني ما امنعهم وهاي كدامك إذا حابين يروحون وياك على راحتهم او يردون إني اخذهم كيفهم
هاا يابةة شكلتوا ؟؟

جاوب يوسف وملامح الغضب معتليه وجهه...

- اعذروني بس إني ما أروح ولا أفكر اروح

خله وكام طلع وركع الباب وراء..
واحنه باقين صافنين بالوضع وإلي صار
بابا اتنهد ودنك راسه..
باوع علينه خالوا وجه النه الكلام..

- وانتوا خالوا

جاوبته إني: إني همين مريد أروح..

رفع راسه بابا يباوعلي..وكال
- ليش ما تروحين امج تريد تشوفكم روحوا
حتى لو نص يوم وبعدين تعالوا

- تعبانه ومريد أروح
حجيتها واترخصت منهم وكمت..

_______

سما::- ممستوعبه الكلام إلي سمعته أبدا
وكوة لازمة نفسي حتى ما ابجي
اباوع بقينه بس إني وسيف كاعدين وراء مطلعوا يوسف وسمار..
حجه بابا ويانه:
- سماوي روحي أنتي وسيف ويه خالج
ومن تردون تجون اوديلكم اتصلوا حتى اوديلكم تكسي