قربان بلا ذنب

البـارت24

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

"كل العمر ليلة ..وفرگتك ليلة
سرابك بالسمة ومفكّر امشيلة "

********

شهناز ::- الحياة مستحيل تكون خالية من التعب أو الحزن ،كل لحظة فرح لابد تكسرها لحظة حزن
تكسرك وتخلي الحزن مغيم عليك..
هيج حالتنا صارت من اتوفة بابا وعافنة كسرنة بفراگة والحزن سكن گلوبنا بقينة بس إني وماما
واخوية متزوج وعندة ولد..

صح أخوية ما مقصر ويانة بشيء وحنين علينة
بس يبقى الأب مكانة ما يتعوض لو شكد ما شفت حنية وحب مستحيل يوصل لحنيتة وحبة..

ورا وفاة بابا بسنة انتقلنا من منطقتنة لغير منطقة عسى ولعل شوي نكدر نتخطى حزنه وفعلاً اتعايشنة وية الدنيا وكملنة حياتنه صح ما نسينه بس اتعودنه
مشت حياتنه الهادئة مثل ما هي ، أخوية رغم يحبني وما مقصر بشيء بس زوجتة مرات تدفعه
وهو الله يسلمة شلون ما يندفع...

لازمة الفلوس مخلية أيدي على خصري أتوسل بية يكوم يروح للمحل يشتريلي

شهناز :- حمودي إني مو عمتك وتحبني كوم حبيبي عفية اشتريلي وتعال بسرعة

لازم التلفون يباوع بية ولا كانوا احاجية مغلس عني
نفخت بضجر طكت روحي وإني اتوسلة
ما اتحملت حجيت بعصبية

شهناز :- خووش لا تكووووم عود تعال بالليل كلي أريد أنام يمج إلا اطلعك تسحول

ضربت رجلي بالكاع ورحت أريد افتح الباب أطلع من الغرفة صاح وراي

:- اووووف من حمصة يالله تعاي انطيني فلوس خل أروح

رجعتلة بستة بخدة اضحك

:- بعد روووحي عماااتي السبع أدري بيك ترروح

مسح خدة كالب عيونة ويتأفأف

:- جيبي جيبي خل أروح بس بالنص ناكل سوة

:- خووش والله تأكل وياي بس روح

انطيتة الفلوس وطلعت وراء اوصية شنوو يجيب
وكل ساعة أكلة

:- مو تنسة نمبر وان خووش أهم شيء هي

:- افتهمت حمصة والله افتهمت

:- ادري حبيبي بس جاي اذكرك خاف تنسه

فتح الباب طلع للشارع وإني وراء مديت راسي شفتة راح ردت أرجع ودرت عيني على شاب واكف اباب البيت الكدامنة ويباوع علية عينك عينك بدون مستحة خزرتة وطبكت الباب بوجهة ادردم

:- شكدد ادبسززز وعينة زايغة بدون مستحة يباووع
طااح حظة فوكاها اشكر وجهه فاهيي عوووع

ادردم لوحدي لاگتني أمي هزت أيدها تباوعلي

:- شبيج يمةة تسودنتي تحجين لوحدج الله يكبر عقلج