قربان بلا ذنب

البـارت 27

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

"لگيتَك بالدَرب صدفة، نسيت الرايد أمشيله !"

***********
شهناز ::- صرخت بصوت عالي منهارة.. أصيح الوو بس ماكو ما يجاوب كمت الطم ردت اتخبل من ما سمعت صوتة بعد كلبي لجمني أعرف صارلة شيء..

على صوتي العالي اجوا ماما واخوية..

أم شهناز :- يمةة إسم الله إسم الله شبيج ليش تصرخين

جاوبتها ارجف..

شهناز :- يـ يوسف يوسف مادري مـ مادري...

أبو أحمد ( أخوها) :- على كيفج احجي على كيف
شبية يوسف ؟

مسحت دموعي عين بالتلفون وعين عليهم..

شهناز :- جنت احجيي وياة بس مادري شبية مدري شصار ص صار صوت ركعة و واختفه صوتة

حجيتها وكعدت بالكاع ابجي والتلفون بيدي.. دنك أخوية كعد يمي ركبة ونص..

أبو أحمد :- كافي يابة هسة شعرفتي أنتي مسحي دموعج وانطيني التلفون خل أشوف بالله

شهناز :- أي عفية شوف شبية

أخذ التلفون مني رجع أتصل على رقم يوسف ، خليت راسي على جتف أمي شابكتني واسمعها تهمس وتدعي كون ماكو شيء بس كلبي حاسسني صار شيء..

حتى عذراء واكفة بالباب ساكتة ما حجت شيء
حمودي شابكها من رجليها خايف ويباوعلي ، ما حسيت بية شوكت كعد وكام من مكانة..
درت عيني على أخوية من كال..

أبو أحمد :- جاي يدك بلكي ينفتح الخط

اباوعلة دموعي تصب ، بس كال ألو طفرت يمة متأملة يوسف الرد علية بس راحت روحي من فتح مكبر الصوت وطلع صوت رجال غريب..

أبو أحمد :- الوو خوية منو أنت ، وين صاحب التلفون

- يابة هذا الولد صاحب التلفون امدد على الرصيف وراسة ينزف ، تلاحكوا بسررعة

هو كال هيج وإني طحت من طولي أصرخ...

شهناز :- والله عررفت عرررفت صار شيء كلبي لجمنييي ، ياا الله دخيلللككك أخذ عمررري ولا يصيرلة شيء

أم شهناز :- يمةة إسم الله ، اخيتكك راح تمووت سوي شيء ولككك

أبو أحمد :- بس انطني صبر ،.. هاا خوية وين أنت هسة بس كلي ألف رحمه لوالديك

- على شارع العام مال منطقة ( ) بس تصعد علية تلكانه ، تعاال بسرعة أنه راح أشوف سيارة وأخذه

أبو أحمد :- جايك جايك ما أتأخر

أم شهناز :- هاا شني وين رايح شراح تسوي

أبو أحمد :- رايح أنه يمة ، خل اتلاحك لا يصير شيء

راد يطلع وصحت وراه...