قربان بلا ذنب

البـارت33

#قربان بلا ذنب

لتنسون التصويت والتعليق على كل فقرة+متابعة الحساب فضلاً❤️

**********

سما ::- فات وقت طويل كلش وفزيت على صوت واحد يصيح وهوسة مال حجي كمت على حيلي خايفة من الصوت ركزت بية عرفتة صوت ابوهم ما افهم حجية ولا عرفت عليمن جاي يصيح وخالتي تحاول تهدية ، عكدت حواجبي شبيهم ليش هيج يصيحون ؟!

كعدت على طرف الجرباية ارجف ومرعوبة دخيلك ربي اني وين اجيت وشورطني بهذا الزواج الما مرتاحة بية ، شصاير وشنو هاي الاصوات ليش يصيحون شبيهم ؟ كل هاي التساؤلات اجت ابالي..

اتمنيت بهاي اللحظة مو موافقة ولا جاية لهنا اتمنيت كون اني هسة ابيتنه يم بابا واخواني وب احضانهم هسة شسوي محتارة وماكو واحد يجي ويريح كلبي بحجاية باردة ويفهمني شكوو..

بقيت على هل حال كاعدة وجسمي منتفض من الخوف يمكن مرت نص ساعة على هل وضع ومن بعدها هدأ الصوت وصار هدوء يخوف ركزت نظراتي للباب من سمعت صوت مشي قريبة على الغرفة جمد جسمي من انفتح الباب ودخل هو..

ركع الباب وراه ما مهتم لشيء ولا عبالك شافني أو متجاهل أني موجودة بالغرقة رغم شعوري بالخوف والرعب بس ركزت على وضعة الغريب شعرة صاير هوسة وحالة حال شكلة مو نفسة مال مساع بالزفة هسة لا عبالك مدري منين جاي !

بين ما أني ادقق بية رفع راسة ولمحني بنظرة باردة وما بيها أي مشاعر خالية من كل شيء اتقدم شمر سترتة على قنفة متجاهلني تماماً نزع حذائة وجواريبة شمرهن بصف القنفة على كاع وكام على حيلة رجع طلع من الغرفة وين راح مادري..

بقيت باهتة وجامدة بمكاني شبية وليش هيج جاي يتصرف خفت منه ومن الوضع كلة ، رجع دخل للغرفة و وجهه مبلل مبين مغسل وجاي راح على ميز نشف وجهه ودار علية وهو يفتح بدكم قميصة يباوعلي بطريقة ترعب كلبي وتخلي دكاتة تزيد من خوفي..

دنكت راسي واني ارجف واتسائل ليش هيج يباوعلي شوية وحسيت بية من شمر القميص بدون ما ارفع واجاني صوتة يحجي ابرود وبدون خلك..

- شكو كاعدة لهسة ما تكومين تبدلين لو عاجبج تظلين هيج

- هاا لا لا راح ابدل

كوة طلعت هل جملة مني وبصوت يرجف اتجاهلني بدون ما يرد علية راح ونام على جرباية كمت بسرعة مادري شسوي رحت فتحت الكنتور اطلعلي شيء البسة شفت قميص نوم بس ماعجبني البسة جريتلي تراك وسديت الكنتور..

احتاريت وين ابدل الغرفة ما بيها حمام وهو موجود هنا ولا اكدر اطلع برا اني وبدلتي شسوي هسة استغفر الله قويت نفسي وكوة حجيت بصوت يرجف..

- وين ابدل

جان بيدة تلفونة وخرة عن وجهة وباوعلي بنظرة من فوك ليجوة واني احس جسمي كلة يرجف رجع يباوع بالتلفون وكال بعدم اهتمام..