قربان بلا ذنب

البـارت 17

#قربان بلا ذنب

لتنسون التصويت والتعليق على كل فقرة+ متابعة الحساب..

قراءة ممتعة

"""""
لا السيفُ يفعلُ بي ما أنتِ فاعلةٌ
ولا لقاءُ عدوَّي مثلَ لُقياكِ ..

لو باتَ سهمٌ من الأعداءِ في كَبدي
ما نالَ مِنَّيَ ...  ما نالتْهُ عيناكِ "

************
سمار ::- أدير بعيوني على ايدة وأرجع اباوع لعيونة المتوسلة ، ما توقعت يطلب هل شيء مني ويريدني ألبس العباية...

أقدس :- هاا راح تلبسينها ؟

من شاف سكوتي وحيرتي شجاوب رجع گال...

أقدس :- صدگيني ماريد اغصبج عليها أو اجبرج تلبسينها بس هم ماريد واحد يباوع
لتفاصيلج لو لطولج غيري
مجرد تفكير احد غيري يشوفج
أحس نار تشب ب گلبي ...

سمار :- بس ملابسي مستورة ومو فاضحة أصلا
ولا تبين شيء مني شوفهن

گلتها وإني أبتعد شوي حتى يشوفني..
عض شفتة يباوعلي وعيونة تتأمل طولي

أقدس :- أدري والله أدري ملابسج مستورة وما بيها
شيء بس گلبي ما يقتنع شسويلة

شفت نظراتة تتوسلني وهو لازم العباية بيدة مادها
ناحيتي ، مادري ليش ما حبيت اكسر بخاطرة
وردت البي رغبتة..

مديت أيدي أخذتها منه وابتمست...

سمار :- هااي هي مثل ما تحب راح ألبسها
إذا هل شيء يريح گلبك ..

اباوع لملامحة استبشرت بفرحة
ضحك ومسح وجهه ب چف ايدة..

أقدس :- صدگيني راح تحبينها وتتعودين عليها
وقبل كل شيء راح تكون أكثر ستر الج

هزيت راسي وصرت على صفحة لبستها فوگ
ملابسي إلي طلعت بيهن
من شافني شلون أعدل بيها اجه
وگف يمي مد ايدة يعدلها وثبتها على راسي
باسني وابتعد عني مبتسم وهو يتأملني بيها
وإني أحس راح اوگع من طولي..

رقية :- هاا خوية ما خلصتوا جلسة التأمل مالتكم ههههه

دار وجهه عليها نباوعلها فاتحه الجامة ومادة راسها
تحجي وتضحك..

ضحك هو وكالها اجينة ، لزم أيدي سحبني وراه
ضاغط بقوة على أيدي وايدة دافيةةة وملمسها ناعم
ما عبالك أيد رجال ويشتغل بيها

صعدت ورا يم حوراء وهو صعد بمكانة
سلمت عليهن وهنه ردن..
رقية جانت كاعدة يمة ليكدام..
من شغل السيارة وساقها ، ضحكت وگالت ...

رقية :- گعدت بمكانج المفروض أنتي تكعدين هنا
بس هسة مخطوبين عود من تتزوجون
وتجين يمنة اخليج تگعدين هنا هههههههه