قربان بلا ذنب

البارت قبل الأخير

#قربان بلا ذنب

لتنسون التصويت والتعليق على كل فقرة+ متابعة الحساب فضلاً ❤️

*******
شهناز ::- فتحت الباب واني افرك بعيوني بس انصدمت من باوعت لفراشها صحت على يوسف وهمست..

- يا علي دخيلك

جمدت واكفة بمكاني وعيني داخل الغرفة صحت مرة ثانية بصوت شبه عالي ويرجف...

- يوسف الحككگ

اجه عاكد حواجبة ويمسح بوجهه من الماي كال وهو يتقدم علية...

يوسف :- شكو ليش تصيحين ؟

شهناز :- سـ سما سما

- شبيها ؟ شو وخري خل أدخل

لزمني من جتفي وبعدني عن الباب دخل للغرفة وانصدم نفسي من شاف فراشها فارغ وما موجودة بية باوعلي وبلع ريگة حجة بصعوبة..

يوسف :- وينها

شهناز :- مادري كلت ادخل اشوفها بس ماهي ما لكيتها

طلع بهمة مشة جدامي وكال...

- يمكن بالصالة كاعدة خاف تباوع على التلفزيون اي أي هناك نلكاها هسة

رحت وراه بسرعة واحس رجلية كوة شايلاتني ويمشني انبلعت وجوهنه من فتحنة ضوء الصالة وما لكيناها بيها يوسف احتار شيسوي گبل كتلة...

- خاف بالمطبخ يمكن جاعت وراحت تاكل

- أي عفية تعاي

رحنه للمطبخ دخلناله ونفس الشيء مالها أثر انهبطنة بالزايد يمكن بذيج اللحظة حتى الهوا ما كام يدخل لريتنة كد الخوف الشفناة..

يوسف :- وينهاا ياا الله دخيلك لا تفجع گلوبنه بيهاا يااا عليييي

- فدوة صوتك هسة نلكاها قابل وين راحت

- جاااا وينهااااا مو دورنه

- خل نشوف سيف يجوز يمة

عافني و راح لغرفة سيف واحنه جاي نمشي سمعنة صوت بسبسة وهمس مال سوالف وكف يوسف مدنك راسة ومركز منين جاي هل الصوت..

اثنينة باوعنه لغرفة عمو وركض يوسف عليها فتح الباب وچفتنة اثنينة بالغرفة باوعنة على الجرباية وجرينة نفس براحة غمضت عيوني وخليت أيدي على صدري اهمس الحمد لله...

أبو سمار :- يا صباح الخير

شهناز :- صباحكم خير وبركة عمو

أبو سمار :- شبيكم هاديين علينة شعدكم لو هم تردون تنامون يمي

يوسف :- غير انهبطنة من صباحية الله

أبو سمار :- ياا ستار ياربي خير إن شاء الله عليمن انهبطتوا

شهناز :- رحنه لغرفة سما وما شفناها خفنه من دورنه بالبيت وماكو اثاري طلعت جاية هنا

سما :- يااا مادري بيكم راح تخافون ههههه اسفة خوفتكم من الفجر