قربان بلا ذنب

البـارت25

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

البارت طويل تعويضاً عن البارت السابق

*********
سمار ::- أيدي ترجف من الخوف والتوتر حتى جهاز التحليل يرجف بيدي ، أكل بشفتي وكلبي يدك سريع
متلهفة للنتيجة هيج وكون يفرح كلبي وتنطفي نارة

مر أكثر من ربع ساعة من سويتة وادري هسة وضحت النتيجة شنو بس خايفه أمد أيدي واشوفها
سميت بسم الله واخذتة مغمضة عيوني
يآرب بجاه كلمن عندك اله جاه فرحني...

فتحت عيوني على كيف وية فتحتهن أحس انطفت روحي ما كدرت ابقه واكفه على رجلية كعدت هابطة
أحس بدموعي بللت خدودي ونار بصدري
النفس ضاك عندي...

شهكت بحزن وألم ، عيني على جهاز خط واحد
أحس شيء بداخلي انكسر وإني جنت متأملة اكون حامل بس طلع عكس تأملي..
ابجي بحركة وقهر ما أسمع غير صوت شهكاتي تواسيني...

اختنكت من البجي أريد أسكت ماكو دموعي كل ما امسحها ترجع تطيح اتمتم بدون وعي ماعرف شجاي أكول ، ليش ربي ليش ردت تفرحني وادري ما تصعب عليك على كل شيء قادر ليش انكسرت وإني توني
أحس بالفرحة.. حسيت على نفسي وشجاي احجي

استغفرت ربي وحمدتة على نعمتة ، الحمدلله إذا مو اليوم يرزقني بالحمل أكيد يجي وقته

نهضت نفسي غسلت وشمرت الإختبار بالسلة
ملابسي ثكلن علية أجر بروحي جر من كد الحزن الشايلتة ، كعدت على جرباية دموعي تنزل وأرجع امسحها ، دخلت علية حوراء مبتسمة..

من شافت حالتي غابت ابتسامتها بسرعة اجتني
بقلق واضح على ملامحها..

- شبيج عمري

بس كالت هيج غطيت وجهي بيدية ابجي واشهك
تريد تسكتني ماكو ، وهي اتخبلت..

- شبيجج سمورة ليش هل بجي

بدون ما ارفع راسي جاوبتها وصوتي كوة واضح
لأن اشهك

سمار :- مو حامل إني

وخرت أيدية تمسح دموعي تحاول تهديني..

حوراء :- كاافي كلبي عليمن هل بجي كلة وإذا مو حامل هاي هي الحمدلله إذا مو هسة أكيد يجي يوم ويرزقكم ب طفل

- فرحت عبالي حامل لأن تأخرت ما اجتني

- أشش كافي عيونج راحن ، يمكن تخربطت وتاخرت
مسحي دموعج وكومي غسلي لأ تأيسين أدعي لرب العالمين يرزقج وحاشاه يردج

مسحت عيوني احسهن طكن مورمات ، رفعت راسي اباوعلها من خلت أيدها على خدي تحجي ب إبتسامة

- صدكيني رزقج مضموم ويجي يوم تحصلينه
ويفرح كلبج ، يالله تعاي وياي ننزل جوا لا تبقين وحدج كاعدة وتبجين