قربان بلا ذنب

البـارت 18

#قربان بلا ذنب

لتنسون التصويت والتعليق على كل فقرة+ متابعة الحساب فضلاً

غلسوا على الأخطاء الإملائية إذا لگيتوا لأن جاي اخلص البارت منا وانزلة الكم منا...ما اراجعة..

قراءة ممتعة...

""""
يا اخر نفس
وشگد عزيز اتصير..

جبار رشيد """"

**********
سما ::- مرت خالوا وبناتة كلهن جايات علمود عرس سمار ، هي هسة بالصالون بعدها ما اجت
الصبح راحن هي و حوراء مرت اخو السيد وأخته جنات جابهن عمار زوج حوراء اخذوا سمار وراحوا.
وهم راحت وياها بت خالوا اجت بالليل قبل أهلها علمود تروح ويه سمار للصالون

والبارحة خلصتها بچي أكيد وتكول شلون راح اعوفكم وما أعيش يمكم ، لو تگول راح أبطل ماريد الزواج كلة ههههه والله خبلة..

إني مو ما ضايجة أو ما زعلانة شلون راح تزوج وتعوفنة بس ما بينت گدامها لو بجيت يمها
هي من تعبت من البجي خلت ونامت هم لأن وراها كعدة الصبح وبعد هاي الدوخة

بس نامت هي طاحن دموعي والله صعبة واحنه متعودين عليها وعلى وجودها
ومن نرجع من دوامنة شلون تتلگة كل واحد بينة من الباب تجي تسألنة إذا تعبانين لو لأ
وتصب الغدا وتگعد تنتظرنة شوكت نجي يالله تأكل

مسحت دموعي ونمت الله كريم أن شاء الله هم تجينه وما نحس بغيابها عنة
الصبح راحت للصالون ، ورا روحتها اجه خالوا و زوجته وبنات خوالي همين جايين
ما سألت على ماما إذا راح تجي أو لأ لأن هي بالخطوبة ما اجت ف مدري إذا تجي هسة أو لأ
ولو أحس وجودها ما يأثر ب شيء

گعد سيف صبيتلة ريوك ورجعت بالغرفة نطلع ملابس إني وبنات خالوا نشوف شنو نلبس وشنسوي
سمعت الباب اندگ ومحد طلع فتحة
رحت للغرفة الثانية ما لگيت سيف طلع بالحمام جاي يسبح ، خليت ورحت ليوسف بالاستقبال گاعد
يم خالوا گتلة على باب جاي يندگ
طلع يفتحة وإني دخلت للمطبخ أغسل الكوب والصحن التريك بيهن سيف..

واگفة على سنك ويوسف طول ما رجع منو اجه
فتحت الشباك اباوع لگيتة واگف بالباب فاتحة بس
ما گدرت أشوف منو إلي واگف برا وجاي النة..
بقيت اباوع وماكو لأ يوسف المتحرك من مكانة ولا إلي دگ الباب دخل..

چان الكوب بيدي أغسل بية واباوع برا..

ارتخت أيدي وفلت الكوب منها من شفت وحدة حضنته وهي تبجي صوت بچيها وصل يمي
وهو ساكن ما صدرت منه أي حركة ولا بادلها الحضن
عرفتها من هيئتها وصوتها الجان واضح أكيد هي
صابتني الصدمة وإني مركزة ب نظراتي عليها
حاضنتة قوي وتبوس بوجهة كلة..
بقيت اتسائل بيني وبين نفسي
شعجب اجت ؟؟؟؟

بقيت على وضعي منا لمن اجت بت خالوا سجى
تحاجيني وإني ما أحس بيها...

سجى :- ولج سمااا شبيج وين صافنة وليش الكوب طايح من ايدج ؟