قربان بلا ذنب

البـارت الأخير

#قربان بلا ذنب

#لتنسون التصويت والتعليق على كل فقرة+متابعة الحساب فضلاً ❤️

"‌‏⠀
حلاة السالفة بأولها من تنگال
وانت السالفة الـ ما عابرة الشفة
أتيه كل شي من يندارلي طاريك
وبخطواتي تلگى آثار للرجفة
وأتخيل ضحكتك وأبتسم وأندار
مشايفها بس گالوا شگد ترفة!

| احمد عاشور|

*********
سما ::- جريت صايتي لبستها على السريع ولفيت حجابي شلون ما جان يبوووي السايق فزع علينا الوادم كلها..

جريت الجنطة وطلعت اركض ردت اطلع من البيت واتذكرت خليت وركضت لغرفة يوسف فتحت وحجيت بسرعة..

سما :- صباح الخير أني رايحة اجه السايق لا تكومين وتسوين شيء خوش أحاول ارجع گبل الصلاة واني اسوي الغده يالله باااي

شهناز :- بسم الله شبيج كل شيء ما افتهمت شكو مستعجلة

عفتها وركضت للسايق الخبص الدنيا بالهورن صحت واني اركض..

- ولجج تاخرت رايحةةة

لبست حذائي وطلعت الهم صعدت بالسيارة بس صبحت عليهم حاجاني السايق هو رجال جبير وحباب بس أني اليوم مدري شبية قلبت علية النومة وكعدت متأخرة ..

- وينج ياا عمو اخرتينة اليوم

سما :- اسفة عمو فدوة اعذرني إن شاء الله ما تنعاد

- عاذرج عمو بس علمودجن انتن خاف تتاخرن على دوامجن ويحجون عليجن

سما :- لا إن شاء الله ما يحجون ولا نتاخر

راح على البنات جمعهن كلهن وكمل طريقة ذبنة يم المستشفى وقسم اخذهن لدوامهن بالجامعة ، مشينة سريع أني والبنات والحمد لله محد حاجانة لو كال ليش متاخرات..

لبسنة صدارينة وطلعنه للطوارئ نشوف شغلنة على فرد وكفة ظلينة منا ل11 ونص يالله رجعنه للغرفة نرتاح بس دخلت عفت الصدرية بمكاني أريد اروح احاجي الدكتورة بلكي يقبل ويخليني ارجع للبيت..

- هاا سما وين رايحة حتى ما ارتاحيتي

سما :- بنات أني راح اشوف الدكتور واحاجية علمود ارجع للبيت

- عمري خاف ماكو شيء لا سامح الله ليش تردين ترجعين من هسة

سما :- لا حبيبتي الحمد لله ماكو شيء بس مرت اخوية حامل وبشهرها هسة وخطية ما تكدر تكوم من ورا ظهرها لهذا أريد ارجع لأن ابحدها ظلت

- يا خطية الله يكومها بالسلامة إن شاء الله

سما :- الله يسلمكم بنات يالله راح اروح ادعن كون يقبل