قربان بلا ذنب

البـارت21

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

قراءة ممتعة

"
ردني ردني
يالبگتني 
بليلة أجيتك
دورت روحي اعلئ روحي
لا شفتها ولا لگيتك "

************

يوسف :- أريد أخطب

سمار :- شنووو
گلتها مستغربة ومصدومة من إلي گالة ، هو حس على صدمتي بقه ساكت

سمار :- شنو تريد تخطب
يعني قصدي شعجب قررت وبهل وقت

يوسف :- إذا السيد موجود خل يجيبج النه لو أنه اجيلج حتى اسولفلج كل شيء

حاجيته بهدوء :- السيد بالشغل صارله أسبوع مبيت اليوم يجي بس يرتاح واگلة يجيبني

يوسف :- خاف تعبان يجي إذا هاي أنه اجيج

سمار :- لأ عادي ما يگول شيء

يوسف :- خوش إذا هيج وإذا مابيه حيل بس خابريني

سمار :- أن شاء الله ، باوع يوسف شنو ما جان صاير
لأ تفكر وتقلق...
ترا واضح من صوتك مو على بعضك

سكت شوية وكال :- من تجين تعرفين كل شيء
يالله عيوني أخذي راحتج وسلميلي على السيد واهله

سمار :- الله يسلمك

سديت الخط منه ، خليت أيدي على خدي أفكر
شعجب قرر هل قرار.. متأكدة صاير شيء وياه
أصلا صوته جان مبين علية ضايج
الله يريح بالك وأن شاء الله يطلع ماكو شيء يخوف

أخذت ملابس گلت أسبح على ما يوصل أقدس
كملت وطلعت وهو بعدة ما جاي
غسلت ملابسي وشريتهن..

رجعت للغرفة شفت الساعة ب٥ صارت وهو بعدة ما اجه ، فتحت الكنتور اباوع بملابسة طلعتهن خليتهن على جرباية كلت ارتبهن...
جبت الاوتي بديت اكوي بيهن القمصان والدشاديش
كملت رجعتهن لمكانهن..

ملابسي همين نفضتهن ورجعت رتبتهن مرة ثانية
جاي أرجع بالتراك وانفتح الباب
درت اباوع شفته هو دخل
بقيت متصنمة بمكاني وهو يباوعلي بيدة الجنطة
شمرها وسد الباب ، اشرلي بيدة تعالي

اتقدمت علية جرني من أيدي لحضنة
لف أيدية اثنينهن علية بكل قوتة مخلي راسة بشعري
صوت انفاسة عالية وهو يجرهن

أقدس :- الله يأخذ الدوام المبعدني عنج وعن عطرج

وخرت عنه مرتبكة ومشتاقتلة اتخربطن مشاعري
خليت شعري ورا أذني :- الله يساعدك

باسني ابطن أيدي مغمض عيونه :- يساعد بختج

سمار :- تعال أرتاح

أقدس :- أي والله ميت تعب هلكونة هلاك بالشغل

گعد على جرباية وبعده لازم أيدي ما عافهه
گعدت بصفة..اباوع لوجهة تعبان وحتى صاير أسمر
وعيونة فاترات گوة فاتحهن من التعب