قربان بلا ذنب

البارت التاسع

#قربان بلا ذنب

مساء الخير...

لتنسون التصويت+التعليق+متابعة الحساب

********

سما::- قاطة بنومتي كل ظني اليوم عطلة وماكو دوام ولا روحة للمستشفى وشوفة دكتور خليل
إلي تغث هي وأوامرة...

مستمتعة بدفو الفراش كلشششش..
واسمع واحد يكول أسمي بين الكاعدة والنايمة بس شلون اكعد واعوف نومتي أكيد لا ، لأ شيء يُعلى على النوم...

غلست على صوت إلي يكول أسمي وبقيت مستمرة بالنوم...ما لحكت أرجع اغفى وحسيت أحد جر البطانيه مني..
رفعت راسي متململه فاتحه عين ومغمضه عين
شفت سمار واكفه على راسي...

سمار :- صار ساعة اكعد كومي يالله وراج دوام وراح تتاخرين

سما:- اهوووو عفية سمار خليني أنام شوية بعد كعدتيني من حلمي وإني عبالي اليوم عطلة

سمار:- كومي ولج راح يجي الخط عليج وأنتي بعدج بالفراش ، تكومين لو اصيح سيف وأنتي تعرفين شلون يكعدج بطريقته الخاصه..

سما:- افففف كمت كمت بس لا تصيحين ل سيف أعرف سوالفه التافهه ، ياربي شوكت ارتاح من كعدة الصبح

سمار:- شنو شوكت ترتاحين غير دوامج و وظيفتج هذن يالله بسرعه بدلي ملابسج وإني راح أحضر الريوك الكم

طلعت هي وإني كمت اسحل بروحي كوة أمشي غسلت وبدلت ملابسي لبست تنورة وياها قميص وفوكاهن جاكيت طويل جابة ألية يوسف هدية من اتخرجت من المعهد..باوعتلهن مستورات وحلوات..
لفيت حجابي واخذت جنطتي وطلعت..

لكيتهم كاعدين بالصاله دايرين على صينية وهسه بادين بالريوك...صبحت عليهم وكعدت مطنكرة لأن كعدوني من النوم والله شنو علمود الدوام....

سيف:- شبيج وجهج يلطم جنج ارملة وعندها ١٠ جهال

سما:- باوعتله صفح ومارديت مالي خلكه

سيف:- يالله حبيبتي تكبرين وتنسين ميخالف لا طنكرين مثل ذاك المخطط ههههه

سما:- دخنت من العصبيه بسبب كلامة صحت...

- بابا شوف سيف شلون يتجاوز صيح عليةه

أبو سمار:- كافي سيف عوف أختك تتريك شبيك تضوجها

سيف:- يابة بربك مجذب إني هسه شوفوها شلون مطنكرة الله عليكم مو جنها أبو صابر ههههه

سما:- اباوع عليهم على وجوههم ابتسامه بس عود ما يردون يضوجوني ويضحكون كوة ضامين ضحكتهم... صحت بيهم..

- ضحكوا ضحكوا عليمن كوة ضاميها عود ما تردون تضوجوني...

ضحكوا كلهم من كلت هيج شوية وسكتوا...

يوسف:- كافي سكتوا يالله وأنت سيف اتريك و ولي لدوامك مو مخلصها تسخيت ترا سادس لا تستهين بيه