قربان بلا ذنب

البـارت 16

#قربان بلا ذنب

لتنسون التصويت والتعليق على كل فقرة+ متابعة حسابي فضلاً

قراءة ممتعة

"""""
أشوفك تضحك گبالي ؟
وأتيه سوالفي ،
ولوني ،
وهلي ،
والباب؟ ♡

*********

سما ::- گاعدة بسيارة الخط وعيني على الجامة اباوع على الشوارع والسيارات التمشي..
اتذكرت خطوبة سمار وابتسمت...

من سمعت السيد خطبها مادري شنو جان شعوري فرح على صدمة بس كلش حسيت بفرحة
مو لأن انخطبت لأ لأن هم فكرت وضجت من استوعبت أنو راح تعوف البيت وتروح عنه..

وبعد ما نصبح بوجهه كل يوم...

بس فرحة غمرت گلبي لأن انخطبت للسيد أقدس مادري ليش بس أول ما شفتة فكرت بيني وبين نفسي گلت لو يخطب سمار ويتزوجون شوو لايگين لبعض وفعلاً خطبهاا..

شفتة هو الشخص المناسب لأختي لأن نظيفة وشفافة مثل الماي وتريد أحد كون يقدسها وما يسببلها ولا جرح لو خدش...
اجاني إحساس يگول أنو هو إلي راح يقدسها قدوسي أقدس ههههه..

صح ضجت لأن معناها هااي هي راح تتركنه بس عفت ضوجتي على صفحة وگلت أكيد تجينه ونشوفها شوكت ما نشتاقلها..

فرحت حييل إلها من تسولفلي على حچي السيد اليگولة إلها ، حسيته صدك يحبها..
وبعد ماعرف بس أدعي أنو يكون عوضها ويعرف شلون يدير باله عليهاا..

فزيت من صفنتي على صوت السايق وهو يگول وصلنة...

نزلت من السيارة ورحت مباشرةً للغرفة مالت استراحتنه ، فتحت الباب مبتسمة حتى أصبح على عبير بس غابت ابتسامتي من  لگيت بس هدى وكوثر كاعدات الممرضات الويانه..

سديت الباب كعدت على كرسي كتلهن....بعد ما صبحت عليهن وهنه ردن...

سما :- شوو عبير ماكو شنو بعدها ما اجت

هدى :- والله مادري احنه اجينه من زمان بس ما شفناها موجودة

سما :- هاا يمكن تأخرت بالازدحامات

هدى :- يمكن هسة تجي إذا متأخرة

سما :- أي أكيد

بقيت انتظرها وماكو ما اجت تأخرت كلت يمكن بعدها بالازدحامات عالگة..

مرت ساعة وما اجت ، عاد إني كمت وطلعت لشغلي
ومتأملة جيتها وراي...
كملت شغلي كلة وماكو هي ،. دخنت من العصبية الحقيرة يمكن ما تداوم ولا گلتلي ولا انطتني خبر
إني اعلمها بسيطة..

ضجت حييل لأن بقيت لوحدي ما متعودة هيج
چنه إني وياها كلة سوة ونخلص الدوام وحدة ويه الثانية خطوة بخطوة..
بقيت طول اليوم ضايجة ومعبسة منا لمن خلص الدوام ورجعت للبيت..