#قربان بلا ذنبلتنسون التصويت والتعليق على كل فقرة+ متابعة الحساب فضلاً ❤️
قراءة ممتعة..
"
وأجيت وعركـّه صـارت بين العيون
عليك عيوني هاي اتصد گبلَ هـاي "عبدالحسين الحلفي
***********
أقدس::- ملتمين بالشارع أنه وعمار ويانة ولد جيرانة
وجم واحد بعد من المنطقة ، نلعب طوبة وصياح وضحك
ساعة نتحمس للعب ونبقى نصيح وساعة
نضحك على واحد لو على موقفعمار أصغر مني ب سنتين بذاك الوقت جنت ١١ سنة عمري من نرجع من المدرسة بس نبدل ونتغدا
نطلع برا نتجمع كل احنه و ولد عمامي هم
واحد يجيبلنه طوبة وبالركن نلعببهذاك اليوم جنت أنه مشتري طوبة دافع دم كلبي
بيها ، بقيت اجمع مصرفي مال المدرسة منا
لمن كدرت اشتريها..كل ما اتذكر هل يوم أضحك ، رجعنه من المدرسة
أنه و عمار بس بدلنة واشتغلت بالصياح
عود مسوي نفسي كلش...أقدس :- يووم يالله صبيلنه غده نريد نروح نلعب
أم أقدس :- ولك أقدس شلعت كلبي اكعد راحه
لو منا لمن يفشخونك براسك يالله اتوبأقدس :- اهوو عفية يمة لا تصيرين مثل ابوي
احنه وين رايحين هنا يم الباب ونلعبأم أقدس :- اكدرلك أنه بعد خل اسكت أحسن
صبتلنة أمي الغده واحنه بسرعة كعدنة وناكل سريع عبالك واحد يركض ورانه نريد نخلص بسرعه
حتى نروح..بس خلصنه بدون غسل جريت عمار وركضنه
رحت أمشي وشايف نفسي نافش ريشاتي بعد منو يكدر يحاجيني
هل مرة أنه المشتري الطوبة واللعب متوقف عليها
بكيفي منو الاريدة يلعب والماريدة ههههه سوالف
بايخه وتضحك جنه جهال..- يالله أقدس لأ تذلنه بطوبتك خل نلعب
أقدس :- بكيفيي شوكت ماريد أنه عود نلعب خوش
- اهوووو مرض شاف روحه علينة عود هو جايب طوبة وياه
أقدس :- ما يعجبك لأ تلعب خوش وأصلا أنت ماريدك تلعب ويانه
- يالله خوش انجب
أقدس :- مالي خلك ارد عليك
ورا ما وكفنه وحركت أعصابهم كمنه نلعب وبس الصياح مشتعل عود لاعبين ومدري شنوو
واحنه كل فريق يطكونه عشرين كول..- ولككك أقدس طكوو أخوك
باوعت عليهم وأشوف عمار زانگه واحد من تيشيرت مالته ويتعاركون هذا عمار فاهي جان وهم مو جبير لأ بعدة
ركضت عليهم أريد اعارك بسرعه اهد بدون ماشوف شكو بس وصلت يمهم بعد سويت نفسي جاكي شان
انطيت الولد بوكسي ودفعته ليورا
أنت تقرأ
قربان بلا ذنب
Misteri / Thrillerفي احدى البيوت العراقية... خلافات تحدث بين ابّوين تؤدي إلى انفصالهما.. لكن هناك أربعة أبناء سيقعون ضحية لهذه الإنفصال. كيف ستكون حياتهم من بعد ذلك..؟! لنغوص في حياتهم ونرى ماذا تخبأ لهم اقدارهم!