قربان بلا ذنب

البـارت26

#قربان بلا ذنب

لتنسون التصويت والتعليق على كل فقرة+ متابعة الحساب فضلاً ❤️
راووني تفاعلكم...

"ابوسَ صوُتكّ وكُل حچَاية تنگِال."

*********

شهناز ::- أجيت أعبر وكف كدامي ساد الدرب
عصرت الكتاب بيدي عيوني بالكاع ، ردت أعبر من الجهة الثانية ما خلاني..

اجذب إذا أكول ما خفت أصلا كلبي راد يوكف من الخوف خصوصاً جان الشارع فارغ محد بية
حجيت ويه نفسي بداخلي صيري قوية لأ تخافين منه ما يكدر يسوي شيء...

رفعت نظراتي علية جان مبتسم صفح بطريقة صلفة ومقرفة مثلة....نترت بية..

شهناز :- خيررر ليش واكف بطريقي وخررر أريد أعبر لأ اصيح والم الدنيا عليك

لعبت نفسي من نظراتة كاصتني كص ، ضحك بصوت عالي أتلفت بالشارع يباوع...

- شتصيحين والمن ؟ شوفي الشارع فاررغ ولا واحد طالع هسة يعني لو اخطفج واسوي بيج سوالف محد يدري

كالها رافع حاجبة.. جسمي يرجف خفت من حجية ونظراتة،باوعت أريد جنس مخلوق ماكو كلها اختفت
يعني لو أصيح منا لباجر محد يسمعني ويطلع..

فكرت اعوفه وامشي وفعلاً وخرت عنه بسرعه وركضت بس ما لحكت أبتعد وحسيته لزمني من زندي مقيد حركتي ، راد يوكف كلبي من حركتة..

نترت أيدي منه وعطت بية...

شهناز :- حيووااان شلووون تتجرأ تلزمني صدك ما تستحييي وحقيررر ، شتررريد مني شتررريد

- اريددج الج ليش رفضتيني وقبلتي بهذا الاجاج
شنو الفرق بيني وبينه هاااااا

آخر كلمة حجاها بصياح ، دموعي نزلت من الموقف الآني بية احتاريت شلون اشرد بروحي ، هذا واحد صلف وكل شيء اتوقع منه..رجع عتني من أيدي أريد اجرها ما اكدر...

- احجيي احجييي ليش رفضتيني

شهناز :- لأن واحدد ادبسززز أنت وما اطيقك كل عقلك اقبل بيككك

- اييي خووش اعلمج الادبسزز هذا شراح يسوي بيج

حاول يجرجرني ، ادفر بية بس كون أفلت روحي من أيدية...

شهناز :- عووفنييي حقييرر والله أخوية يلعبب بيك طووبة إذا عرف هدددنيي

- دمشيي لجج إني اعلمة اخوج الساافل ، وخطيبج الأسفل منه بسيطة ابتلوا وياي موو سهلة

أطرافي تررجف بس قويت روحي وبقيت اتماطل وياه ، كفتختة بالكتاب على وجها بكل قووتي
فشر علية وسبني حتى على يوسف فشرر..

مدري شلون اشتغل عقلي بهل لحظة وفتحت المحفظة طلعت منهاا قلم ، نبتة ابطنه بكل ما عندي قوة ودفرتة برجلي..