قربان بلا ذنب

البـارت 28

#قربان بلا ذنب

لتنسون التصويت والتعليق على كل فقرة+ متابعة الحساب فضلاً ❤️ٰ

"ضحكتك مشتره اسنيني وحرز حلوات ديرتنه 

لـ علي تاج الدين "

*********
سمار ::- مسحت الكاونتر آخر شيء ، رقية واكفة يمي مدري شتبحوش بالثلاجة.. شغلت الطباخ خليت الجاي علية..

- عفية رقاوي الجاي خليتة على نار ديري بالج علية وصبيلهم

رقية :- من عيوني

- يسلمن عيونج

عفتها وطلعت من المطبخ أسمع صوتهم بالصالة كاعدين جان الباب مالتها گبال باب المطبخ ومفتوح شفت أقدس كاعد كدام الباب وشايل ياقوتة يلاعبها وضحكتة مرسومة على وجهة ، اتحسرت وصعدت فوك للغرفة..

نزعت حجابي رحت للكنتور فتحتة أدور بملابسي على شيء خفيف مال نوم علمود ألبسة ، اجه بيدي روب نوم ستن قماشة ناعم.. سحبتة أباوع بية حلو ومو فاضح كلش ، اخذتة ودخلت للحمام كعدت كعدة لنفسي يمكن فوك الساعة إني بالحمام..

كملت لفيت شعري بالخاولي ولبست الروب وطلعت وكفت كدام ميز المراية نشفت شعري ومشطتة خليتة مفتوح ، رطبت جسمي وخليت عطر..

أيدي انمدت على قلم الكحل خطيت عيوني وبين سوادهن أكثر ، خليت شوية مسكرة وحمرة على خفيف.. باوعت لنفسي بالمراية سحبت نفس بقوة صارلة أكثر من عشرة أيام ما متقربلي لأن راح للشغل أسبوع كامل إنوبا اجتي المحروسة..

عضيت شفتي خجلانة ولا عبالك راح نكمل سنة متزوجين بعدني استحي كدامة ، عطرت الغرفة وشغلت السبلت طفيت الضوء وركضت للفراش نمت واتغطيت انتظرة يجي..

صفنت على روحي عود صدك جاا المن خليت شوية مكياج واجيت نمت وطفيت الضوء ، يالله عادي وإذا إلا يشوفني أصلا هو ما يحبه..

مطلعة بس وجهي من الغطة عيني على الباب بعدة ما اجه يمكن اخذتهم السوالف.. مليت ردت اكوم وسمعت صوتة يحجي ويه سجاد گبل رجعت اتغطيت هل مرة طلعت بس عيوني..

انفتح الباب بهدوء اباوعلة بالبداية وكف ساكت بس يباوع شوية ودخل سد الباب وراه.. الغرفة بيها ضوء قليل وخافت كلش بس اكدر أشوفه شنو جاي يسوي
خلة تلفونة على طاولة وعينة على جرباية...

- شنو نايمة ؟

- تؤ كاعدة

- هممم

- أي

راح للحمام أسمع صوت الماي يمكن جاي يغسل ،عشر دقايق وطلع.. اتعطر واجه اتمدد بمكانة اتقرب يمي مد ايدة يدور على أيدي..

- وينج تعاي

فتحلي ايدة نمت عليها لامني بحضنة كزبر جسمي من اتلمس زنودي بطرف اصابعة اتنهد وهمس..