#قربان بلا ذنب
لتنسون التصويت والتعليق على كل فقرة+متابعة الحساب فضلاً ❤️
شلونكم حلويني مشتاقين ❤️🌚
إن شاء الله البارت يعجبكم من بعد هل الفراق كلة
قراءة ممتعة...
********
سمار ::- رتبت ملابسي ورجعت كعدت كدامها خايفة سألتها بس مترددة...
- شنو شبية ؟
- ما بيج شيء حبيبتي والحمد لله رحمج والبويضات هم ممتاز وضعهن وطبيعي
سمار :- إذا هيج ليش ما جاي يصير حمل ؟!
- من ناحيتج أنتي ما عندج مشكلة لا بالرحم ولا بغير شيء يعني مهيأة للحمل ، زوجج شكد عمرة ؟
اتنهدت أحاول أتذكر عمر أقدس حتى نسيت كل شيء وبالي مصفر باوعت على دكتور وكتلها..
- ٣٢ تقريباً
- اممم طيب ، هو ما راح سوة تحاليل إله يشوف يمكن الصوج منه لأن أنتي توني بالسونار ما شفت عندج خلل حتى يمنع الحمل
- شلون يعني الصوج منه ؟!
- عادي ماما أكو رجال نسبتهم ضعيفة تكون لهذا يكون منهم السبب وما يصير حمل بس للتأكيد أنتي حاجي زوجج وكليلة يسوي تحليل إله للاحتياط حتى إذا لا سامح الله أكو مشكلة عندة يعالجها
- زين وإذا ما جان عندة مشكلة شلون ؟
- حبيبتي خلي ايمانج جبير برب العالمين مرات رزقنة يتأخر حتى يتجهز النه بشكل عظيم وبية عوض جبير ، إذا اثنينكم مابيكم شيء ولا تعانون من مشاكل بس ما جاي يصير حمل ليش ؟!
لأن هل شيء بيد الله سبحانه وتعالى وما قاسملكم أطفال هسة بس أكيد راح يعوضكم بعدين على هل انتظار كلة..
- إمين يارب الله يسمع منج دكتورة و شكراً على كل شيء
- العفو حبيبتي هذا واجبي وحتى علاج ما راح اكتبلج لأن ما تحتاجين بس إذا تردين انطيج فيتامينات
- هاا لا شكراً ماريد
- على راحتج
اتشكرت منها مرة ثانية وطلعت من يمها اخط بذيال اليأس والقهر اجذب إذا أكول ما ضجت لو انقهرت بالعكس جنت راضية حتى لو يطلع بية الصوج وعندي مشكلة ميخالف لأن راح يصير عندي أمل واتعالج بس هسة حتى هذا الأمل انكسر..
دخلت بغرفة الاستراحة أدور على حوراء بعيوني وهي بس شافتني اجت وبيدها ورقة سالتني مباشرة..
- هاا شكلتلج الدكتورة ؟
سمار :- ما بية شيء كالت حتى مشاكل بالرحم أو البويضات ما عندي
- الله كريم عمري لا تنقهرين أن شاء الله رب العالمين ما ينساج
- آمين يارب ، وأنتي بشري شنو طلع بالتحليل
أنت تقرأ
قربان بلا ذنب
Misterio / Suspensoفي احدى البيوت العراقية... خلافات تحدث بين ابّوين تؤدي إلى انفصالهما.. لكن هناك أربعة أبناء سيقعون ضحية لهذه الإنفصال. كيف ستكون حياتهم من بعد ذلك..؟! لنغوص في حياتهم ونرى ماذا تخبأ لهم اقدارهم!
