قربان بلا ذنب

البـارت 15

#قربان بلا ذنب

لتنسون التصويت والتعليق+ التعليق على كل فقرة ومتابعة الحساب فضلاً ❤️

"""
أشوفك تضحك گبالي ؟
وأتيه سوالفي ،
ولوني ،
وهلي ،
والباب؟ ♡
_________________

يوسف ::- من سمعنة صوت الهوسة وصياح نسوان
ركضنة أنه و رواد اثنينة وصلنة لبيتهم لگينة الباب مفتوح على كبرة...
وگفنة گدامة وجان نشوف رجال طلع يركض وشايل طفل بين أيدية زغير...ومسبل أيدية ويبجي بصوت عالي وأمة مدري منو هم طلعت تركض وراهم وتبجي على بچي الطفل..

هناك وطلعت هي وجهه مخطوف لونة وصاير أصفر وشفايفها ترجف فاتحه عيونها بخوف ورعب تباوع وراهم..

بقت عيني عليها وعلى خوفها حتى نسيت أسأل وافهم شنو السالفة وإلي صار..
منا لحد ما أتقدم رواد على الرجال وسألة...

رواد :- خيررر خوية شصاير وياكم محتاج مساعدة أو شيء ثاني..

:- ايي خووية رحمة لوالديك شوفلنه سيارة أبني أبني طااااح عليةه قوري الجاي واحترك...

چان الرجال يصيح ومنهار على أبنة المرعوب وبس دموعة تنزل وأمة لازمتها مرة جبيرة هم طلعت وياهم من طلعوا..

راح رواد على شارع علمود يشوف سيارة ألهم والرجال گعد بالگاع ومخلي إبنه بحضنة ويسكت بية

:- هسة بابا هسة حبيبي نروح للمستشفى ونشيل الأوااا..

والطفل ماكو ما سكت لأن مبين شكد متأذي خطية كسر گلبي هو الجبير ما يتحمل الحرگ مو إنوب طفل عمرة ٣ سنوات يمكن..

بقيت واگف يمهم واهدي بالرجال..
وعيني من وحدها تروح عليها تباوعلها ، شلون واگفه بصف الحايط والخوف مبين بعيونها..
كل ساعة واباوعلها مدري شبية..

شوية واجه رواد صاعد بسيارة ، بس شافة أبو الطفل گام على حيلة يمشي سريع يريد يوصل للسيارة قبل ما توصله هي..
ركضت وراه فتحتله الباب و رواد حاجاني وهو گاعد بالسيارة..

رواد :- يوسف أرجع لبيتكم وأنه رايح ويه الزلمة

يوسف :- خووش بس خابرلي وگلي شيصير وياكم

اشرلي بيدة و راحوا ، رجعت يم الباب مادري شريد لو شسوي...
شفت النسوان بعدهن برا گاعدات بالگاع والباب مفتوح للرايح والراد ، وهي على وگفتها وخوفتها..

درت وجهي وحاچيت المرة الجبيرة..

يوسف :- حجية دخلن جوا وأن شاء الله ماكو شيء لأ تخافن..

:- ياا يمةة الولد انصلخ بالچاي الحار شلون ما نخاف وهو فرفح من البچي

يوسف :- الله كريم دخلن للبيت زحمة من الناس التعبر وأن شاء الله يرجعون بالسلامة ومو خطر وضعة..