قربان بلا ذنب

البـارت 23

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

قراءة ممتعة

**********

:- بوسها يوسف بوسها

گرصتها بخاصرتها عاضة شفتي ، دارت وجهها علية
عاقجة ملامحها وتفرك مكان الگرصة

:- اووووي شبيج كرصتيني شكلت إني هسة

سمار :- ادبسزز شنو هاي إنوبا بوسها ما تشوفينهم أنتي اثنينهم مستحين ويكتون عرك من المستحة والخجل

سما :- جاا غير يبوسها ، وهسة إني شكتلة ترا قصدي يبوسها ب كصتها مو أءء شسمة

ضربتها بخفة على أيدها علمود تبطل سوالفها
غلست عني ورجعت تكصلهم صور وهمه يتراجفون
ضحكت ورحت أخذ كاسة ماي اشربها

أريد أرجع اكعد وصاحتني وحدة من المعازيم إلي موجودين ابيت العروسة

سمار :- اتفضلي خاله

:- حبيبة أنتي أخت العريس مو

جاوبتها ب إبتسامة
:- أي خاله أخته

:- أنه اكولن تتشابهون أنتي وياة ، أكول خالة شوو
امكم ماهي ما شفتها جاية

اتلاشت ابتسامتي واخذتلي صفنة عليها ، يمكن هاي ثالث وحدة تسأل عن ماما وليش ما جاية
حاولت أبتسم بوجهها بعد ما حسيت طيف حزن
اتزاحم ب كلبي

سمار :- تعبانة وما كدرت تجي

ردت بس أروح واتخلص من هل الموضوع ومن أي سؤال ثاني بس ما لحكت اخطي خطوتين ورجعت كالت حجاية مثل السجين ودخلتها ب كلبي

:- هي امكم مطلگة مو ؟!

هزيت راسي بدون ما احجي ، عفتها ورجعت بخطوات سريعة يمهم حاولت أبتسم وما أبين ضوجتي كدام أحد ماريد اكسر فرحة يوسف

اتذكرت من اتصلنه على ماما حاجتها سما وكلتلها على خطوبة يوسف علمود تجي بس جان جوابها
هو أنو بنتها مريضة وما تكدر تجي
بقت تتعذر حتى بجي بجت ، بقيت صافنه لأ أخذ ولا انطي شنو أكول مثلاً
ودعتها سما وسدت الاتصال وبعد ما حجينه بالموضوع ولا فتحناة...

اباوع على يوسف جاي يلبس خطيبتة الحلقة رفع راسة مبتسم
والفرحة طاغية على كل وجهة بس غابت ابتسامتة بمجرد ما شافني
اشرلي براسة علمود أروح يمة ، اتدنيت وكفت بصفة
وسما ملتهية تصور ويه خطيبتة

يوسف :- شبيج ؟

سمار :- شبية

يوسف :- هو إني جاي اسالج ليش وجهج انكلب
وعيونج مدمعة أكو أحد ضوجج ؟

لزمت ايدة مبتسمة :- لأ محد مضوجني بالعكس أصلا فرحانة ألك وافرح أكثر من اشوف ضحكتك

يوسف :- أكيد ؟