قربان بلا ذنب

البـارت30

#قربان بلا ذنب

لتنسون التصويت والتعليق على كل فقرة+متابعة الحساب فضلاً ❤️

حلويـني أعرف متأخرة بس معوضتكم بالبارت وكاتبتة كُلشش طويل لعيونكم ❤️

قراءة ممتعة...

*********
سمار ::- احس بعدم الراحة شعور حزن وخيبة مسيطر على كلبي مخليني خايفة ومرعوبة خايفة يصير شيء ويكسر كلبي إني مو حمل حزن أبدا من أبسط شيء اضوج واحزن وانقهر..

محد منهم قبل يحجي شيء عن روحتهم لبيت خالتهم عمو كال ورا العشة من يكون الكل موجود ويسولف هو شصار هناك جانت عيني تراقبة منفعل ويحجي بعصبية وجهة أحمر ومغضب مادري على شنو...

رحنه ورا رقية شكد لحينه عليها تحجي بس جانت تتهرب من عدنة وتكول..

رقية :- خلوا بابا يسولف عفية لأ تسألني على شيء

حوراء :- ياا شبيج هسة غير نعرف شصاير شبيكم أنتي وعمو وجوهكم تتلاطم

رقية :- انتظرن وبعدين تعرفن اوووف يمةة عساها روحة الكشرة

كالتها ودارت وجهها راحت لغرفتها ما أخذنا منها شيء ولا حتى كلمة ، التهينة بالعشة وراها الكل اجوا كعدوا وتعشوا وشربوا جاي ، جان الكل كاعد..

غسلت ايدية واجيت كعدت بصف أقدس من حس علية دنة راسة يهمس على كيف..

أقدس :- صدك اليوم مو راحوا أبوي وأمي يخطبون لسجاد شصار وياهم

- مادري

- ليش ما تدرين ؟

- محد حجه منهم عمو كال ورا العشة يكللنة

هز راسة ورجع عدل كعدتة وإني عيني متركزة على عمو بس اريد ينطق وأخيرا اتحمحم علمود ننتبهلة..

أبو أقدس :- تعرفون اليوم رحنه نخطب بت خالتكم
لسجاد

عمار :- أي وأن شاء الله خير

أبو أقدس :- لا والله كعدنة وحجينة وخطبت البنية وأبوها جان حجية معدل وراضي بس خالتكم طفرت وما رضت

سجاد :- ليششش يابةة ليشش ما رضتت

اتنهد عمو يمسح بلحيتة وسبحتة بيدة الثانية يستغفر بصوت ناصي ، رفع راسة يباوع علينة إني وأقدس حجة ورا ما جر حسرة..

أبو أقدس :- ما رضت على أبو شلون أقدس ما رضة بسحر ولا احنه خطبناها إله تريد تسويها وحدة بوحدة عود

انتفض أقدس من مكانة ما قابل بهل شيء..

أقدس :- شهل حجي هذا من كل عقلها تكول هيج تررااا مو جبر ولا بكيفها شدخل هااي بهاااي شبيها خالتي تشبش بالسوالف

أم أقدس :- أقدس لاااا تحجي عن خالتكك هيججج خووش وحگها غير من البداية كايلين سحرر ألك

اباوعلهم بهدوء كلها انتفضت ومحد قبل بهذا الحجي أقدس ينافخ من العصبية وجهة انكلب كلة خصوصاً من حجت خالة هيج كاام منفعل فاتح عيونة ويصيح..